BrightWin အဖြစ်နာမည်ကြီးတဲ့ BL Series အတွဲဟာ လက်ရှိအချိန် အအောင်မြင်ဆုံးလို့ဆိုနိုင်တဲ့ BL Couple ဖြစ်ပါတယ်။ နှစ်ယောက်သားဟာ အတူရိုက်ကူးတဲ့ 2gether စီးရီးကနေတစ်ဆင့်အောင်မြင်မှုတွေ အများကြီးရလာပြီးတော့ အခုဆိုရင် ဘရိုက်ဟာ ကိုယ်ပိုင်ကုမ္မဏီတောင်တည်ထောင်နိုင်ခဲ့တာဖြစ်ပါတယ်။
မကြာသေးခင်က ထွက်လာတဲ့သတင်းတွေအရ ဘရိုက်ဟာ အနုပညာရှင်တစ်ယောက်ဖြစ်တဲ့ အဆိုတော် NeNe နှင့်ချစ်သူဖြစ်နေတယ်လို့သတင်းတွေထွက်လာခဲ့ပါတယ်။ သတင်းထွက်လာချိန်မှာပဲ ဘရိုက်ဖက်ကနေပြီး မှန်ကန်ကြောင်းအတည်ပြုခဲ့တာကြောင့် စီးရီးဖန်တွေအတွက် မယုံနိုင်စရာဖြစ်ခဲ့ပါတယ်။ ဒါ့အပြင် ပွဲတက်အင်တာဗျုးတစ်ခုမှာတော့ ဘရိုက်က Nene ဟာ သူ့အတွက်တန်ဖိုးရှိတဲ့သူဖြစ်ကြောင်း အများကြီးချစ်ရသူဖြစ်ကြောင်းဖြေကြားခဲ့ပါတယ်။ Part of My Life လို့တောင်မှ တင်စားပြီးပြောခဲ့တာဖြစ်ပါတယ်။
BL မင်းသားအများစုဟာ တွဲဖက်မဟုတ်ဘဲ တစ်ခြားမိန်းကလေးချစ်သူရှိရင်အတော်လေးဝေဖန်ခံရလေ့ရှိပါတယ်။ ဘရိုက်အနေနှင့် အင်တာဗျုးတွေမှာပါ အခုလိုချစ်သူဖြစ်သူကို ဘယ်လောက်ချစ်ကြောင်းပြောနေတာဟာ အတိုင်းအတာတစ်ခုအထိတော့ ပရိတ်သတ်တွေကို စိတ်ဆိုးစေမှာဖြစ်ပါတယ်။
Bong I.T