တရုတ်နိုင်ငံရဲ့နာမည်ကြီးအဆိုတော် မင်းသားတစ်ယောက်ဖြစ်တဲ့ Wang Yi Bo ဟာအမှန်တော့ ကေပေါ့အိုင်ဒေါအဖွဲ့တစ်ခုကဖြစ်ပါတယ်။ လက်ရှိအချိန်မှာ အိုင်ဒေါတစ်ယောက်အနေနှင့်လှုပ်ရှားတာမရှိတော့ပေမဲ့ ဝမ်ရိဘိုဟာတရုတ်မှာတော့ ပရိတ်သတ်အင်အားတောင့်တင်းပြီးတော့ အအောင်မြင်ဆုံးမင်းသားတွေထဲကတစ်ယောက်ဖြစ်လာပါတယ်။
ဒီတစ်ခေါက်မှာလည်း ဝမ်ရိဘိုဟာ ဇာတ်ကားတစ်ခုအတွက် သူ့ရဲ့မျက်နှာကိုလုံးဝပြောင်းလဲလိုက်တာကြောင့် ပရိတ်သတ်တွေတောင်မှ မမှတ်မိနိုင်ဖြစ်ခဲ့ရတာပါ။ တရုတ်ရဲတပ်ဖွဲ့တစ်ခုရဲ့ပြည်ပ လှုပ်ရှားမှုနှင့်စွန့်စားမှုတွေအကြောင်းကိုပုံဖော်ထားတဲ့ ဇာတ်ကားအတွက် ရိဘိုဟာ မျက်နှာကိုအမဲရောင်ဖြစ်အောင်ပြောင်းထားတာပါ။
မျက်နှာထဲတင်မကဘဲ ဆံပင်ကေကိုပါ ပြောင်းလဲပြီးတော့ လူမည်းတစ်ယောက်လိုမျိုးပုံဖော်ထားတာဖြစ်ပါတယ်။ တစ်ခြားသရုပ်ဆောင်တွေလည်း အခုလိုမျိုးပဲရုပ်ဖျက်ပြီးတော့ ပါဝင်ထားတာကြောင့် ဇာတ်ကားကိုဝေဖန်မှုတွေရှိနေပါတယ်။ လူမည်းတွေကို ပုံစံတူကူးချတာမျိုးက အတော်လေးယုတ္တိမရှိဖြစ်ပြီးတော့ ဘယ်လိုအကြောင်းအရာကြောင့်အခုလိုမိတ်ကပ်ကိုဖန်တီးခဲ့တာလဲဆိုတာကို ဇာတ်ကားထွက်မှပဲအပြည့်အစုံသိနိုင်မှာဖြစ်ပါတယ်။
Bong I.T