ချမ်းသာတဲ့အသိုင်းအဝိုင်းကလာတယ်ဆိုတဲ့ သတင်းတွေအကြောင်းကိုဖြေရှင်းခဲ့တဲ့ မင်းသားပတ်ဆောင်းဟွန်း

Queen of Tears ဒရာမာမှာ ပရိတ်သတ်တွေကိုအတော်လေးစိတ်တိုစေခဲ့တဲ့ ဗီလိန်အဖြစ်သရုပ်ဆောင်ထားတဲ့ မင်းသားပတ်ဆောင်းဟွန်းဟာ မကြာသေးခင်က You Quiz on the Blocks အစီအစဥ်ကိုသွားခဲ့ပါတယ်။ အစီအစဥ်မှာသူ့ရဲ့သရုပ်ဆောင်လမ်းကြောင်းအပါအဝင် လတ်တလောထွက်ပေါ်နေတဲ့သတင်းတွေအကြောင်းကိုလည်း ဖြေကြားသွားခဲ့ပါတယ်။ 

ဇာတ်ကားထုတ်လွှင့်ပြီးမကြာခင်မှာပဲ မင်းသားဟာချမ်းသာကြွယ်ဝတဲ့နောက်ခံအသိုင်းအဝိုင်းကနေလာတဲ့သူဖြစ်ကြောင်း သတင်းတွေပေါ်ထွက်လာခဲ့ပါတယ်။ သတင်းတွေအရ သူဟာ ကြွယ်ဝတဲ့မိသားစုကနေလာတာဖြစ်ပြီး ဒရာမာထဲက ဇာတ်ကောင်တွေလိုပဲ ချမ်းသာတယ်ဆိုပြီးပြောခဲ့ကြတာပါ။ ရှိုးမှာတော့ ပတ်ဆောင်းဟွန်းက သတင်းတွေဟာမမှန်ကန်ကြောင်းနှင့်သူ့မိသားစုဟာလည်း အတော်လေးကိုဆင်းရဲနွမ်းပါးခဲ့ကြောင်း ပြန်ဖြေရှင်းခဲ့တာဖြစ်ပါတယ်။

မင်းသားရဲ့မိသားစုဝင်တွေဟာ သတင်းထဲကလိုပဲ ဆရာဝန်နှင့် ရှေ့နေတွေဖြစ်ပေမဲ့ အခြေအနေတစ်ခုကြောင့် အတော်လေးနွမ်းပါးသွားခဲ့ရတယ်လို့သိရပါတယ်။ ငယ်ငယ်တုန်းက အချိန်ပိုင်းအလုပ်မျိုးစုံလုပ်ခဲ့ပြီးတော့ ဗီလိန်ကာရိုက်တာတွေကြောင့် အပြင်ဘဝမှာပါတစ်ခါတစ်လေအမုန်းခံရတယ်ဆိုပြီးပြောခဲ့တာဖြစ်ပါတယ်။