YGX ဟာ ကေပေါ့အိုင်ဒေါတွေအတွက် နာမည်ကြီးအကတွေအများကြီးဖန်တီးပေးခဲ့တဲ့အပြင် YG အနုပညာရှင်တွေရဲ့ပင်တိုင်အားကိုးရတဲ့အကအဖွဲ့ဖြစ်ခဲ့တာပါ။ အကပြိုင်ပွဲတွေမှာပါ ဝင်ရောက်ယှဥ်ပြိုင်ခဲ့ပြီးတော့ ထိပ်တန်းအဆင့်တွေရခဲ့တဲ့ ဒီအကအကယ်ဒမီဟာ ရုတ်တရက်ပိတ်လိုက်ပြီဖြစ်ကြောင်း ကြေညာလာခဲ့ပါတယ်။
ပိတ်သိမ်းရတဲ့အကြောင်းရင်းကိုတော့ ဖော်ပြထားတာမျိုးမရှိဘဲ ဘယ်အချိန်ပြန်ဖွင့်မယ်ဆိုတာမျိုးကိုပါ ထပ်ပြီးကြေညာထားတာမျိုးမရှိပါဘူး။ YG ဟာထိပ်တန်းအိုင်ဒေါအဖွဲ့တွေဖြစ်တဲ့ Big Bang 2NE1 BlackPink iKON လိုမျိုးအဖွဲ့တွေကိုမွေးထုတ်ခဲ့တဲ့ကုမ္မဏီဖြစ်ပါတယ်။ အကအကယ်ဒမီဟာဆိုရင်လည်း အကလောကမှာပါ အသိအမှတ်ပြုကြတဲ့ထိပ်တန်းအကအကယ်ဒမီဖြစ်နေတာပါ၊
ဒီဖျက်သိမ်းတဲ့သတင်းကို YGX ရဲ့နာမည်ကြီးအကသမားတွေကိုယ်တိုင်က Myday မှာတင်ရင်း အတည်ပြုခဲ့ကြတဲ့အပြင် သူတို့ကိုစောင့်နေတဲ့ ပရိတ်သတ်တွေကိုကျေးဇူးတင်ကြောင်းပြောထားကြပါတယ်။ YGX မှာ Kwon Twin Lee Jung အစရှိတဲ့နာမည်ကြီးအကဆရာတွေအများကြီးရှိပြီးတော့ ပိတ်သိမ်းလိုက်ရတဲ့အကြောင်းရင်းကိုမကြာခင်မှာသိရပြီး ကောင်းမွန်တဲ့အကြောင်းအရာပဲဖြစ်ဖို့ ပရိတ်သတ်တွေက ဆုတောင်းနေကြပါတယ်။