The Season မှာ Lee Hyori ပြီးနောက် MC အဖြစ်ဆောင်ရွက်သွားမယ့် Zico

KBS ရဲ့နာမည်ကြီးတေးဂီတရှိုးတစ်ခုဖြစ်တဲ့ The Season ဟာ လီဟိုရီပါဝင်တဲ့အပိုင်းကုန်ဆုံးသွားတာကြောင့် တင်ဆက်သူအသစ်နှင့်အတူ အပိုင်းအသစ်တွေပြန်တင်ဆက်တော့မှာဖြစ်ပါတယ်။ ဒီရှိုးဟာ နာမည်ကြီးအဆိုတော်တွေသီချင်းဆိုရင်းစကားပြောကြတဲ့ အစီအစဥ်ဖြစ်တာကြောင့် နာမည်ကြီးပါတယ်။

Jay Park AKMU အစရှိတဲ့ထိပ်တန်းအနုပညာရှင်တွေ တင်ဆက်သူလုပ်ခဲ့ပြီးတော့ နောက်ဆုံး Season မှာနာမည်ကြီးအဆိုတော်လီဟိုရီက တင်ဆက်ခဲ့တာပါ။ လက်ရှိအသစ်စတင်မယ့် Season  မှာတော့ Zico u The Season: Zico’s Artists ဆိုတဲ့ခေါင်းစဥ်နှင့်တင်ဆက်ပေးသွားမှာဖြစ်ပါတယ်။ 

ဇီကိုဟာ တောင်ကိုးရီးယားရဲ့နာမည်ကြီးဟစ်ဟော့အဆိုတော်တစ်ယောက်ဖြစ်ပြီးတော့ Hit ဖြစ်တဲ့သီချင်းပေါင်းများစွာကိုထုတ်လုပ်ထားတဲ့သူပါ။ သူ့ကိုယ်ပိုင်ကုမ္မဏီဖြစ်တဲ့ KOZ Entertainment Label ကနေလည်း Boynextdoor ဆိုတဲ့ ကေပေါ့အဖွဲ့တစ်ခုကို ပွဲဦးထွက်စေခဲ့တာဖြစ်ပါတယ်။ Zico ဟာ မကြာခင်မှာ BlackPink အဖွဲ့ဝင် ဂျင်းနီနှင့်ပူးပေါင်းတင်ဆက်ထားတဲ့ Spot ဆိုတဲ့သီချင်းလည်းထွက်ရှိလာမှာဖြစ်ပါတယ်။