ကြွက်နဲ့ တူတဲ့ရှားပါး အရိုးပျော့ငါး

ယင်းငါးတွေကို ကြွက်ငါး တစ္ဆေငါးမန်းစသဖြင့် အမျိုးမျိုးခေါ်ဝေါ်ကြပါတယ်။ မျိုးတုန်းပျောက်ကွယ်သွားတဲ့ မျိုးစိတ်တွေထဲကမှ အနည်းငယ်သာ ကျန်ရှိနေတဲ့ ရှားပါးငါးမျိုးစိတ်လည်းဖြစ်ပါတယ်။ ပုံမှန်အားဖြင့် ငါးမန်းအနွယ်ဝင်ထဲမှာပါဝင်တဲ့ ငါးမျိုးစိတ်ဖြစ်ပြီး ကြွက်ငါးတွေဟာ အရိုးပျော့သာရှိကြတဲ့ ငါးတွေဖြစ်ပါတယ်။ ဒါ့အပြင် ဒီငါးတွေဟာ အစာအိမ်လည်းမပါဝင်ကြလို့ အူကနေပဲ တိုက်ရိုက်အစာခြေကြပါတယ်။

ဒီလို ထူးဆန်းမှုတွေနဲ့ ပြည့်နှက်နေတဲ့ ရှားပါးငါးတွေဟာ ရှည်လျားတဲ့အမြီး ပါးလွှာပြီး ကြီးမားတဲ့ အမြှေးတောင်တွေကို အသုံးပြုပြီးရွေ့လျားတတ်ကြပါတယ်။ ပင်လယ်ကြမ်းပြင်နဲ့ နီးကပ်စွာနေထိုင်ကြတဲ့ ငါးမျိုးစိတ်တွေလည်း ဖြစ်ပါတယ်။ ပုံမှန်အားဖြင့် ခရုနှင့် အခြားကျောရိုးမဲ့ သတ္တဝါများကိုသာာ စားသုံးတတ်ကြပေမယ့်လည်း တစ်ခါတစ်ရန်မှာ အဆိပ်ရှိကြပါတယ်။ 

ဦးခေါင်းက ကြက်တူရွေးပုံစံနဲ့ ဆင်တူပြီး ယုန်ငါးနှင့်လည်း အတော်လေးဆင်တူကြပါတယ်။ မျိုးရိုးဗီဇဆိုင်ရာ သုတေသနကို အခြေခံပြီး Holocephali( ကြွက်ငါး ) သည် လွန်ခဲ့သောနှစ်ပေါင်း 421 သန်းခန့်က Elasmobranchii မှကွဲထွက်သွားတယ်လို့ ခန့်မှန်းလို့ရပါတယ်။