ရောဂါကာကွယ်ဖို့ Mask တပ်ထားပေမယ့် စားသောက်ဆိုင်ထဲကနေ နှင်ထုတ်ခံလိုက်ရတဲ့ စုံတွဲရဲ့အဖြစ်

အမေရိကန်နိုင်ငံ Texas ပြည်နယ်ကစုံတွဲတစ်တွဲဟာ သူငယ်ချင်းတွေနဲ့တွေ့ဆုံပြီး စားသောက်ပွဲ ကျင်းပဖို့ စားသောက်ဆိုင်တစ်ခုကိုသွားခဲ့ပေမယ့် စားသောက်ဆိုင်ပိုင်ရှင်ဟာ သူတို့နှစ်ယောက်ကို Mask တပ်ထားတယ်ဆိုတဲ့အကြောင်းပြချက်နဲ့ ဆိုင်အပြင်ကိုနှင်ထုတ်ခဲ့ပါတယ်။ Texas ပြည်နယ်ဟာ ရီပါဘလစ်ကန်ပါတီကိုထောက်ခံတဲ့ပြည်နယ်ဖြစ်ပြီး မြို့နေလူထုအများစုဟာ လက်ရှိသမ္မတကို သဘောမတွေ့တာကြောင့် အစိုးရကစီစဉ်ပေးတဲ့ ကာကွယ်ဆေးကိုလည်း မထိုးနှံကြပါဘူး။ ဒါကြောင့်လည်း Covid 19 နဲ့ သေဆုံးမှုတွေရှိခဲ့ကြပါတယ်။

ဘယ်လိုပဲသေဆုံးမှုတွေရှိနေကြပေမယ့် Texas ပြည်သူတွေဟာ Mask ကို လုံးဝမဝတ်ဆင်ကြဘဲ ဝတ်ဆင်တဲ့သူကိုလည်း ရောဂါရှိနေသူလိုသတ်မှတ်ပြီး လှောင်ပြောင်မှုတွေရှိခဲ့ကြပါတယ်။ ကာကွယ်ဆေးထိုးသူမရှိတာကြောင့် အစိုးရအနေနဲ့ ကာကွယ်ဆေးထိုးရင် တစ်ယောက်ကို ဒေါ်လာ (၅၀) ပြန်လည်ပေးအပ်တဲ့အစီအစဉ်တောင်လုပ်ခဲ့ရပါတယ်။ စားသောက်ဆိုင်ထဲက မောင်းထုတ်ခံရတဲ့ Jose Lopez-Guerrero နဲ့ Natalie Wester တို့ ဇနီးမောင်နှံမှာ လေးလသားအရွယ် ကလေးတစ်ယောက်ရှိပြီး ကလေးဆီကိုရောဂါကူးစက်မှုမဖြစ်ပွားရအောင် Mask တပ်ထားကြတာပဲဖြစ်ပါတယ်။

ကိုယ့်သားသမီးအတွက်လိုအပ်တဲ့ကာကွယ်မှုတွေလုပ်ခဲ့ပေမယ့် လူအများကြားမှာ အခုလို မောင်းထုတ်ခံရတဲ့ ရှက်စရာအဖြစ်အပျက်တစ်ခုဖြစ်သွားခဲ့တာ စိတ်မကောင်းစရာပါ။ သူတို့သွားရောက် ခဲ့တဲ့ Hang Time Sports Grill & Bar ဟာ Mask မတပ်ရဘူးဆိုတဲ့ စည်းကမ်းချက်ထုတ်ထား တာလည်းဖြစ်ပါတယ်။ ဒီအကြောင်းအရာကို CNN သတင်းဌာက ဖော်ပြခဲ့တာပဲဖြစ်ပါတယ်။

သတင်း အရင်းအမြစ်៖ CNN's FB Acc