သဘာဝပစ္စည်းတွေနှင့်သာပြုလုပ်ထားကြောင်း သက်သေပြဖို့ဆပ်ပြာကိုစားပြခဲ့တဲ့ သူဌေးတစ်ဦး

တရုတ်နိုင်ငံက နာမည်ကြီးသန့်ရှင်းရေးထုတ်ကုန်တွေထုတ်လုပ်တဲ့ ကုမ္မဏီတစ်ခုရဲ့သူဌေးဟာ လတ်တလောလူမှုကွန်ရက်ပေါ်မှာ နာမည်ကြီးနေပါတယ်။ နှစ်ပေါင်းအတော်ကြာ သန့်ရှင်းရေးထုတ်ကုန်တွေထုတ်လုပ်ခဲ့တဲ့ ဒီသူဌေးဟာ သူထုတ်လုပ်တဲ့ဆပ်ပြာက သဘာဝပစ္စည်းစစ်စစ်ဖြစ်ကြောင်း သက်သေပြတဲ့အနေနှင့် ဆပ်ပြာကိုစားပြခဲ့တာပါ။ သူ့အပြောအရ ဒီဆပ်ပြာဟာ နွားနှင့်သိုး နို့အပြင်ရေနှင့်အယ်လ်ကာလီတွေပဲပါဝင်တာကြောင့် စားမိရင်တောင် အန္တာရာယ်မရှိဘူးလို့သိရပါတယ်။ ဆပ်ပြာရဲ့အရသာဟာလည်း နွားနို့မုန့်လိုမျိုးပဲဖြစ်တယ်လို့ စားရင်းနှင့်သူကပြောခဲ့ပါတယ်။

ဆပ်ပြာစားလိုက် ရေသောက်လိုက်နှင့် ကုန်ပစ္စည်းကိုသေချာသက်သေပြနေတဲ့ သူဌေးရဲ့ဗီဒီယိုဟာ အတော်လေးရေပန်းစားသွားပြီးတော့ အများစုကတော့ ဆပ်ပြာကိုမစားသင့်ကြောင်းပြောနေကြတာပါ။ သန့်ရှင်းရေးအတွက်ထုတ်ထားတဲ့ထုတ်ကုန်ဖြစ်တာကြောင့် သဘာဝပစ္စည်းတွေနှင့်ပဲလုပ်တယ်ဆိုရင်တောင် မစားသင့်ကြောင်းမှတ်ချက်တွေပေးခဲ့ကြပါတယ်။

Source - odditycentral 

#Myanmarload #Soap #China #NaturalProducts