လက်ရှိပြည်တွင်းရေးအခြေအနေမငြိမ်သက်မှုကြောင့် တချို့နေရာတွေမှာ တိုက်ပွဲတွေဖြစ်ပွါးနေပြီး ဒေသခံပြည်သူတွေလည်း ထွက်ပြေးတိမ်းရှောင်နေရတာဖြစ်ပါတယ်။လွန်ခဲ့တဲ့ရက်ပိုင်းက ချင်းပြည်နယ်၊ထန်တလန်မြို့ပေါ်တွင် လက်နက်ကြီးနဲ့ပစ်ခတ်မှုကြောင့် လူနေအိမ်အများအပြား မီးလောင်ကျွမ်းခဲ့ပါတယ်။အိုးအိမ်၊စည်းစိမ်တွေကိုဆုံးရှုံးခဲ့ရတဲ့ ထန်တလန်ဒေသခံတွေအတွက် ပြည်သူလူထုကအရမ်းစိတ်မကောင်းဖြစ်နေကြတာဖြစ်ပါတယ်။
မီးငြှိမ်းသတ်ဖို့ကြိုးစားခဲ့တဲ့ သင်းအုပ်ဆရာတစ်ဦး သေဆုံးခဲ့ပြီးနောက်မှာ ထန်တလန်မြို့မှာနေထိုင်တဲ့ ဒေသခံပြည်သူထောင်ချီခန့်လောက် မြို့ကိုစွန့်ခွါသွားကြပါတယ်။မိမိတို့ရဲ့ အသက်အန္တရာယ်လုံခြုံဖို့အတွက်တိုင်းရင်းသားပြည်သူတွေလည်း နေရပ်ကိုစွန့်ခွါပြီး ဘေးလွတ်ရာသို့ မိသားစုလိုက်ရှောင်တိမ်းကြတာပဲဖြစ်ပါတယ်။ပြည်သူတွေလည်း ဒီအခြေအနေမှာ တိုင်းရင်းသားတွေရဲ့ဆုံးရှုံးမှုအတွက် ကိုယ်ချင်းစာနေကြတာဖြစ်ပါတယ်။
ပြည်သူတွေ မြို့ကနေထွက်ခွါသွားပြီးနောက်မှာ ထန်တလန်မြို့ပေါ်တွင် ကိုဗစ်လူနာ (၂)ဦး အပါအဝင် ပြည်သူ(၂၈)ဦးသာကျန်နေခဲ့တာဖြစ်ပါတယ်။လက်ရှိမှာတော့ ထန်တလန်မြို့မှာနေထိုင်တဲ့ အိမ်ထောင်စု (၃)စု နဲ့တခြားဒေသခံအနည်းငယ်သာရှိတော့တာဖြစ်ပါတယ်။လူပေါင်းထောင်ချီကတော့ မလုံမခြုံနေထိုင်ရတဲ့နေရပ်ကို အထုတ်ကိုယ်စီဆွဲပြီး စွန့်ခွါနေကြတဲ့ပုံရိပ်တွေကို ပြန်လည်မျှဝေပေးလိုက်ပါတယ်။
Source&Photo Credit:Chin World’s Fb page