စစ်ပွဲတစ်ပွဲအောင်နိုင်ဖို့ဆိုတာ လေ့ကျင့်မှုနဲ့ တိုက်ရည်ခိုက်ရည်ဟာလည်း အတော်လေးကို အရေးကြီးပါတယ်။ ကြိုတင်ပြင်ဆင်မှုမရှိဘဲ ဘယ်လိုအရာမျိုးကိုမှ အလွယ်တကူမလုပ်နိုင်ကြပါဘူး။ ဒီနေ့မှာလည်း လွတ်မြောက်နယ်မြေတစ်နေရာမှာ စစ်ရေးလေ့ကျင့်နေကြတဲ့ PDF လူငယ်လေးတွေရဲ့ ဗီဒီယိုဟာ လူမှုကွန်ယက်မှာ ပျံ့နှံ့လာခဲ့ပါတယ်။ အခိုင်အခန့်လုပ်ထားတဲ့ အတားအဆီတွေကို အကြိမ်ကြိမ်အခါခါ ကျော်ဖြတ်ပြီး လေ့ကျင့်နေတဲ့ပုံတွေဟာ ကြည့်နေတဲ့သူတောင် ပင်ပန်းရတဲ့အထိပါပဲ။
ဘေးနားက စောင့်ကြည့်ပေးသူဟာလည်း လေ့ကျင့်နေသူတွေကို ဂရုစိုက်ဖို့ တဖွဖွမှာရင်း တပ်သားတွေ အပေါ်မှာ စေတနာမေတ္တာထားကာ ကြိုးစားလေ့ကျင့်ပေးနေခဲ့ပါတယ်။ လွတ်မြောက်နယ်မြေမှာ စစ်ပညာတွေသင်ယူပြီး မြို့ပြပြောက်ကျားတိုက်ပွဲတွေမှာ ပါဝင်ဆင်နွှဲကြတဲ့ PDF လူငယ်တွေဟာ ပြည်သူတစ်ရပ်လုံးရဲ့ မျှော်လင့်ချက်တွေကို အသက်နဲ့ရင်းပြီးယူပေးကြမယ့်သူတွေမို့ ပြည်သူတွေကလည်း သူတို့အတွက် ထောက်ပံ့မှုတွေ မရပ်မနားလုပ်ပေးနေခဲ့ကြပါတယ်။
ဒီနေ့မှာလည်း ပင်ပင်ပန်းပန်းစစ်ရေးလေ့ကျင့်နေတဲ့ လူငယ်လေးတွေရဲ့ဗီဒီယိုကိုကြည့်ရှုပြီး ပြည်သူအများဟာ PDF လေးတွေ ကျန်းမာချမ်းသာစေဖို့နဲ့ ဘေးကင်းကြစေဖို့ဆုတောင်းတဲ့ မှတ်ချက်တွေအများအပြားပေးခဲ့ကြပါတယ်။ လွတ်မြောက်နယ်မြေတစ်နေရာမှာ အပြင်းအထန် ကြိုးစားနေတဲ့ လူငယ်လေးတစ်ချို့ရဲ့ လှုပ်ရှားမှုမှတ်တမ်းတွေကို ပရိသတ်ကြီးအတွက် ပြန်လည်တင်ဆက်ပေးလိုက်ပါတယ်။