လတ်တလော တိုင်းရင်းသားလက်နက်ကိုင်တွေ ထိန်းချုပ်တဲ့ နေရာဒေသတွေမှာ အာဏာရှင်လူတစ်စုဘက်က ထိုးစစ်ဆင်မှုတွေ ပြုလုပ်လာတာ တွေ့ရပါတယ်။ တချို့နေရာတွေမှာ ပြင်းထန်တဲ့တိုက်ပွဲတွေ ဖြစ်ပွားနေပြီး အာဏာရှင်လူတစ်စုဘက်က အကျအဆုံး များပြားခဲ့တာကိုလည်း ကြားသိရပါတယ်။ ပြည်သူ့အာဏာသိမ်းသွားပြီးတဲ့ နောက်ပိုင်းမှာ အာဏာရှင်လူတစ်စုကို ရရာလက်နက်နဲ့ စတင်တော်လှန်ခဲ့ကြတဲ့ ချင်းပြည်နယ် အတွင်းမှာလည်း လက်ရှိအချိန်ထိ အာဏာရှင်တွေရဲ့ ဖိနှိပ်မှုဒဏ်ကို အလူးအလဲ ခံစားနေရရှာပါတယ်။
လက်ရှိအချိန်ထိလည်း အပြစ်မဲ့ပြည်သူတွေကို ဖမ်းဆီးခြင်းတွေအပြင် လူနေအိမ်တွေနဲ့ ဘာသာရေးအဆောက်အဦးကို ဝင်ရောက်ဖျက်စီးတာတွေလည်း ရှိခဲ့ပါတယ်။ ဒါ့အပြင် ဒေသခံပြည်သူ့ကာကွယ်ရေး တပ်တွေနဲ့ အာဏာရှင်တပ်တွေအကြား ထိတွေ့တိုက်ပွဲတွေကလည်း နေ့စဥ်ဆိုလိုဖြစ်ပွားလာခဲ့တာ တွေ့ရပါတယ်။ ဒီကနေ့ စတင်ဘာလ (၉) ရက်၊ နေ့လည်ပိုင်းလောက်မှာလည်း ထန်တလန်မြို့ထဲမှာ အပြန်အလှန်ပစ်ခတ်မှုတွေ ဖြစ်ပွားခဲ့ကြောင်း သိရပါတယ်။
ယင်းပစ်ခတ်မှုမှာ အာဏာရှင်လူစုဘက်က (၂)ဦး သေဆုံးခဲ့သလို အသက် (၁၅) နှစ်အရွယ် ဒေသခံအမျိုးသမီး(၁)ဦးလည်း ထိခိုက်ဒဏ်ရာ ရရှိခဲ့ပါတယ်။ ဒါ့အပြင် အနီးအနားရှိ လူနေအိမ်များလည်း ထိမှန်ပျက်စီးခဲ့တဲ့အပြင် မြို့ထဲက လူနေအိမ်တစ်လုံးကတော့ လက်နက်ကြီး ထိမှန်ပြီး မီးလောင်သွားခဲ့တာကို ယခုပုံတွေမှာ မြင်တွေ့ရပါတယ်။ ဒီဖြစ်စဥ်ကိုလည်း ပရိသတ်တွေ သိရှိစေဖို့အတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Zalen
Bong I.T