မြန်မာနိုင်ငံရဲ့ နေရာအနှံ့အပြားမှာ ကိုဗစ်ရောဂါကူးစက်မှုတွေပြန်လည်ဖြစ်ပွားနေပြီး ကိုဗစ်ရောဂါကြောင့် ပြည်သူတွေဟာလည်း အသက်သေဆုံးလျက်ရှိနေကြပါတယ်။ ကိုဗစ်ရောဂါကူးစက်မှုတွေကြောင့် အချို့မြို့ရွာတွေမှာ အပြင်မထွက်ခိုင်းတာမျိုး၊ အပြင်ထွက်ပါက ဒဏ်ငွေပေးဆောင်ရတာမျိုးတွေ ရှိနေခဲ့ပါတယ်။ Julyလ(26)ရက်နေ့ မနေ့ကတော့ ရှမ်းပြည်နယ်မြောက်ပိုင်း၊ကွတ်ခိုင်မြို့နယ်ရှိ တာမိုးညဲပြည်သူ့စစ်များက လမ်းသွားလမ်းလာများဖြစ်ကြတဲ့ ပြည်သူများကို တုတ်တွေနဲ့ရိုက်နှက်ပြီး ကန်ကျောက်နေခဲ့ကြပါတယ်။

Photo Credit: Original Uploder
Photo Credit: Original Uploder

အမျိုးသားနှစ်ဦးနဲ့ အမျိုးသမီးနှစ်ဦးကို ရိုက်နှက်နေတာဖြစ်ပြီး အခုလိုရိုက်နှက်နေတာဟာ Covid19 ရောဂါကူးစက်ကာလမှာ ဖြတ်သန်းသွားလာတဲ့ ပြည်သူတွေကို ဒဏ်ပေးနေတာဖြစ်ကြောင်း သိရှိရပါတယ်။ တစ်ခြားပြည်သူ့စစ်တွေကပါ အကြိမ်ပေါင်းများစွာ ဝိုင်းဝန်းရိုက်နှက်နေတဲ့အပြင် ရိုက်နှက်ပြီးတာတောင် အမျိုးသားတစ်ဦးကို ခြေထောက်တွေနဲ့  လိုက်ကန်နေတာကို ဗီဒီယိုဖိုင်ထဲမှာ မြင်တွေ့ရပါတယ်။ ပြည်သူတွေကတော့ ရိုက်နှက်ကန်ကျောက်နေတဲ့ အဆိုပါဗီဒီယိုဖိုင်ကို ကြည့်ပြီး စိတ်ဆိုးဒေါသဖြစ်နေကြပါတယ်။

Photo Credit: Original Uploder
Photo Credit: Original Uploder
Photo Credit: Original Uploder

ဒေသခံပြည်သူတစ်ဦးကတော့ အခုလိုအချက်ပေါင်းများစွာရိုက်နှက်တာဟာ နည်းလမ်းမကျကြောင်း၊ ဒဏ်ပေးတဲ့အနေနဲ့ ဘယ်နချက်ရိုက်ရမယ်ဆိုတာကန့်သတ်ထားသင့်ကြောင်း၊ အခုက ကျွဲ နွားရိုက်သလို ရိုက်နှက်နေတာဖြစ်ကြောင်း၊ ပြည်သူတွေအတွက် Q Centerတွေဖွင့်ပေးတာမျိုး၊Maskတွေပေးဝေတာမျိုးမလုပ်ဘဲ လွတ်လွတ်လပ်လပ်သွားလာနေကြတဲ့ ပြည်သူတွေကို တုတ်တွေနဲ့ရိုက်နှက်နေတာဟာ နှိပ်စက်နေတာဖြစ်ကြောင်း ပြောဆိုထားပါတယ်။ တာမိုးညဲပြည်သူ့စစ်တွေက လမ်းသွားလမ်းလာတွေကို ရိုက်နှက်ကန်ကျောက်နေကြတဲ့ ဗီဒီယိုဖိုင်ကို ပြန်လည်ဖော်ပြပေးလိုက်ရပါတယ်။

Source: Original Uploder

Photo Credit: Original Uploder
Photo Credit: Original Uploder

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။