စမ်းချောင်းဗဟိုလမ်းမှာတော့ ဒီကနေ့နေ့လည်လောက်ထဲက အခြေအနေ အေးအေးဆေးဆေးရှိနေတယ်လို့ သိရပါတယ်။
အရင်နေ့တွေတုန်းကတော့ ဗဟိုလမ်းအတွင်းမှာ တပ်စွဲထားတဲ့ စစ်ကားနဲ့ ရဲကား အနည်းငယ်ရှိပေမယ့် အခုမရှိတော့ဘူးလို့ သိရပါတယ်။
ရပ်ကွက်နေပြည်သူတွေကတော့ ဗဟိုလမ်းမကြီးပေါ်မှာ အမှိုက်ပုံးတွေတန်းပြီး လမ်းတွေပိတ်ဆိုထားတာ တွေ့ရပါတယ်။
ဂွစျေးအနီးမှာတော့ သဲအိတ်အနည်းငယ် ကာရံထားပြီး ကားတစ်စီးသွားလို့ ရလောက်တဲ့အထိ လမ်းဖွင့်ပေးထားပါတယ်။
အရင်နေ့တွေတုန်းကတော့ ဗဟိုလမ်းပေါ်မှာ ဖြိုခွင်းမှုတွေ ပစ်ခတ်မှုတွေ ရှိခဲ့ပေမယ့် ဒီကနေ့ ညနေပိုင်းမှာတော့ အခြေအနေက စစ်ကား၊ ရဲကား တစ်စီးမှမရှိတော့ပဲ တည်ငြိမ်နေတယ်လို့ သိရပါတယ်။
လမ်းမပေါ်မှာတော့ ဖြတ်သွားဖြတ်လာ လုပ်နေတဲ့သူတွေ အနည်းငယ်ကိုတွေ့ရပြီး ဆိုင်တော်တော်များများကတော့ ပိတ်ထားတာကိုတွေ့ရပါတယ်။