မြန်မာနိုင်ငံမှာ ရုပ်ရှင်ထုတ်လုပ်ရေးလုပ်ငန်းကို 1920 ကတည်းက စတင်ခဲ့ပါတယ်။ ပထမဆုံးရိုက်ကူးခဲ့တဲ့ ဇာတ်ကားကတော့ ဦးထွန်းရှိန်စျာပနာအခမ်းအနားကို လန်ဒန်အက် ဦးအုန်းမောင်ရိုက်တဲ့ မှတ်တမ်းဇာတ်ကား ဖြစ်ပါတယ်။
အဲဒီနောက် ဦးအုန်းမောင်ဟာ ဘားမားဖလင်တိုက်ကို တည်ထောင်ခဲ့ပြီး ပထမဦးဆုံး ရုံတင်တဲ့ ဇာတ်ကားကတော့ ''မေတ္တာနှင့်သူရာ'' ဖြစ်ပါတယ်။ ထိုဇာတ်ကားရဲ့ ဇာတ်ဆောင်တွေအဖြစ် ဦးညီပုနဲ့ မရီ တို့က ပါဝင်သရုပ်ဆောင်ခဲ့ကြပါတယ်။
''မေတ္တာနှင့်သူရာ'' ထွက်ရှိပြီး 32 နှစ်အကြာ 1952 ခုနှစ်မှာ မြန်မာ့ရုပ်ရှင်ထူးချွန်ဆုပေးပွဲ (အကယ်ဒမီဆုပေးပွဲ) ကိုစတင်ခဲ့ပြီး ရုပ်ရှင်နယ်ပယ်သားတွေကို ချီးကျူးဂုဏ်ပြုခဲ့ကြပါတယ်။ ထိုဆုပေးပွဲမှာ ချီးမြှင့်ခဲ့တာတွေကတော့ အကောင်းဆုံးဇာတ်ကားဆု (Best Picture) 3 ဆု - ပထမ ဒုတိယ တတိယ ၊ အကောင်းဆုံး အမျိုးသားဇာတ်ဆောင်ဆု (Best Actor) 1 ဆု၊ အကောင်းဆုံး အမျိုးသမီးဇာတ်ဆောင်ဆု (Best Actress) 1 ဆု စသည်ဖြင့် စုစုပေါင်း 5 ဆု ချီးမြှင့်ခဲ့ပါတယ်။
ပထမအကောင်းဆုံးဇာတ်ကားဆု အဖြစ် (ရွှေကိန္နရီရုပ်)
ဒုတိယအကောင်းဆုံးဇာတ်ကားဆု အဖြစ် (ငွေဒေါင်းရုပ်)
တတိယအကောင်းဆုံးဇာတ်ကားဆု အဖြစ် (ကြေးခြင်္သေ့ရုပ်)
အကောင်းဆုံး အမျိုးသားသရုပ်ဆောင်ဆု အဖြစ် (ရွှေရင်ထိုး)
အကောင်းဆုံး အမျိုးသမီးသရုပ်ဆောင်ဆု အဖြစ် (ရွှေရင်ထိုး) တို့ ပေးအပ်ချီးမြှင့်ခဲ့တယ်။
Best Picture ပထမဆုံးရရှိသော ဇာတ်ကားမှာ အေဝမ်းဦးတင်မောင် ရိုက်ကူးခဲ့တဲ့ ''ချစ်သက်ဝေ'' ဇာတ်ကားဖြစ်ပြီး Best Actor ပထမဆုံးရသူမှာ ''ကျော်ဝင်း'' နဲ့ Best Actress ပထမဆုံးရသူမှာ ''ကြည်ကြည်ဌေး'' တို့ဖြစ်ပါတယ်။
1954 ခုနှစ်တွင်စတင်၍ -
အကောင်းဆုံးဒါရိုက်တာဆု (Best Director) ကိုစတင်ချီးမြှင့်ခဲ့ပါတယ်။ ပထမဆုံးရသူမှာ ''သြော်မိန်းမ'' ဇာတ်ကားဖြင့် ''ဦးသုခ'' ပါ။
1956 ခုနှစ်တွင်စတင်၍ -
အကောင်းဆုံးဓါတ်ပုံဆု (Best Cinematography) ဆုကိုချီးမြှင့်ခဲ့ပြီး ''ချစ်ဖွယ်'' က ''လွမ်းငွေ့တဝေဝေ'' ဇာတ်ကားဖြင့် စတင်ရရှိခဲ့ပါတယ်။
1962 ခုနှစ်တွင်စတင်၍ -
အကောင်းဆုံးအမျိုးသားဇာတ်ပို့ဆု (Best Supporting Actor) နှင့် အကောင်းဆုံးအမျိုးသမီးဇာတ်ပို့ဆု (Best Supporting Actress) တို့ကို ချီးမြှင့်ခဲ့ပြီး သရုပ်ဆောင် ''ဦးကျောက်လုံး'' က ''အတွေ့'' ဇာတ်ကားဖြင့်လည်းကောင်း၊ သရုပ်ဆောင် ''မေနွဲ့'' က ''ရွှေရင်သိမ်းသစ်'' ဇာတ်ကားဖြင့်လည်းကောင်း ရရှိခဲ့ပါတယ်။
1991 ခုနှစ်တွင်စတင်၍ -
အကောင်းဆုံးဂီတဆု (Best Music) ဆုကိုချီးမြှင့်ခဲ့ပြီး ''ဂီတလုလင်မောင်ကိုကို'' က ''မယ်သီတာလိုမိန်းကလေး'' ဇာတ်ကားဖြင့် စတင်ရရှိခဲ့ပါတယ်။
1994 ခုနှစ်တွင်စတင်၍ -
အကောင်းဆုံးအသံဆု (Best Sound) ဆုကိုချီးမြှင့်ခဲ့ပြီး ''ခင်ဦး'' က ''သရဖူ'' ဇာတ်ကားဖြင့် စတင်ရရှိခဲ့ပါတယ်။
1995 ခုနှစ်တွင်စတင်၍ -
အကောင်းဆုံးဇာတ်ညွှန်းဆု (Best Screenplay) ဆုကိုချီးမြှင့်ခဲ့ပြီး ''အောင်ကျည်ထွဏ်း'' က ''တိုက်ပွဲခေါ်သံ'' ဇာတ်ကားဖြင့် စတင်ရရှိခဲ့ပါတယ်။
1997 ခုနှစ်တွင်စတင်၍ -
အကောင်းဆုံးတည်းဖြတ်ဆု (Best Editing) ဆုကိုချီးမြှင့်ခဲ့ပြီး ''ဦးမြင့်ခိုင်'' က ''သူ့ကျွန်မခံပြီ'' ဇာတ်ကားဖြင့် စတင်ရရှိခဲ့ပါတယ်။
မြန်မာ့အကယ်ဒမီသမိုင်းတွင် အကယ်ဒမီအများဆုံး ရရှိထားသူများမှာ -
1. ညွန့်ဝင်း (သရုပ်ဆောင်) - ၇ ဆု
2. ဦးသုခ (ဒါရိုက်တာ) - ၆ ဆု
3. သန်းညွန့် (ဓါတ်ပုံပညာရှင်) - ၆ ဆု
4. ရန်အောင် (သရုပ်ဆောင်) - ၆ ဆု
5. မြင့်မြင့်ခင် (သရုပ်ဆောင်) - ၅ ဆု
6. မောင်တင်ဦး (ဒါရိုက်တာ) - ၅ ဆု
7. ကျော်ဟိန်း (သရုပ်ဆောင်) - ၅ ဆု
8. မို့မို့မြင့်အောင် (သရုပ်ဆောင်) - ၅ ဆု
9. ကြည်စိုးထွန်း (ဒါရိုက်တာ) - ၅ ဆု
10. မေသန်းနု (သရုပ်ဆောင်) - ၅ ဆု တို့ဖြစ်ပါတယ်။
မြန်မာ့ရုပ်ရှင်အကယ်ဒမီ သမိုင်းမှာ ရှားရှားပါးပါး ကလေးသရုပ်ဆောင်ဆု ရရှိခဲ့သူ 3 ယောက်နဲ့ အထူးဆုရရှိသူ 2 ယောက်ရှိပါတယ်။
ကလေးသရုပ်ဆောင်ဆုကို -
1977 မှာ အောင်ထွန်းလေး ( အဖေတစ်ခု သားတစ်ခု )
1999 မှာ အိဖြူစိုး ( ရင်ထဲက ဆောင်းရာသီ )
2012 မှာ ယွန်းယွန်း ( တိမ်မင်းသမီးရဲ့ဒဏ္ဏာရီ ) တို့နဲ့
အထူးဆုကို -
1955 မှာ ဝင်းမာ ( ဖိုးပြုံးချို )
1978 မှာ အင်္ဂလန်စိန် ( မေတ္တာရှင်မလေး ငြိမ်းငြိမ်းအိ ) တို့ရရှိခဲ့ပါတယ်။ မြန်မာ့အကယ်ဒမီဆုပေးပွဲကို 1963, 1986, 1987, 1988 (4) နှစ်မှလွဲ၍ စတင်ကျင်းပသည့် 1952 ခုနှစ်မှ ယနေ့အထိ နှစ်စဉ်ကျင်းပပြုလုပ်ခဲ့ပါတယ်။
ဒါ့အပြင် ထပ်ပြီး အကယ်ဒမီအများဆုံးရရှိထားတဲ့ ဇာတ်ကားစာရင်းကို ဆက်လက်ဖော်ပြထားပြီး ဘယ်ဇာတ်ကားဟာဖြင့် ထိုက်တန်မှုရှိတယ်၊ ဘယ်ဇာတ်ကားဟာဖြင့် ထိုက်တန်မှုမရှိဘူးဆိုတာကို ဝေဖန်သုံးသပ်နိုင်စေဖို့ အထောက်အကူပြု တင်ပြလိုက်ခြင်းဖြစ်ပါတယ်။
(*) ပြထားတာတွေကတော့ အကောင်းဆုံးဇာတ်ကားဆု နဲ့ အကောင်းဆုံး ဒါရိုက်တာဆု ရရှိထားတာတွေဖြစ်ပါတယ်။
(2015 အထိသာ)
အကယ်ဒမီ (၈) ဆု
==========
1. ထာဝရအလင်းတန်းများ*(2011) - ထွန်းအောင်ဇော်*
အကယ်ဒမီ (၇) ဆု
==========
1. အမေ့နို့ဖိုး*(2003) - ကျော်သူ*
2. လျှို့ဝှက်သောနှင်း*(2004) - စင်ရော်မောင်မောင်*
အကယ်ဒမီ (၆) ဆု
==========
1. ငါသူတစ်ပါးယောကျင်္ားမိန်းမ*(2002) - ပန်းချီစိုးမိုး*
အကယ်ဒမီ (၅) ဆု
==========
1. တိုက်ပွဲခေါ်သံ*(1995) - မောင်တင်ဦး*
2. မြင့်မြတ်နှလုံးသား (1997) - မောင်တင်ဦး
3. နှလုံးလှလူမိုက်*(2001) - မောင်တင်ဦး*
4. ဆန်ရေ*(2002) - ကြည်စိုးထွန်း*
5. ကိုးဆယ်ဆသာလိမ့်မယ်*(2007) - မောင်ယဉ်အောင်*
6. ပင်လယ်ထက်ကနေဝန်းနီ (2010) - ခင်မောင်ဦး စိုးသိမ်းထွဋ်*
7. ကောင်းကျိုးကိုယ်၌တည်စေမင်း*(2014) - ဒါရိုက်တာဇေ
အကယ်ဒမီ (၄) ဆု
==========
1. ကကြီးရေက (1959) - သာဓု*
2. ရွှေချည်ငွေချည်တန်းပါလို့*(1975) - ဦးသုခ*
3. တစ်ခါကတစ်ဘဝ (1978) - မောင်တင်ဦး*
4. သီတာခုနှစ်တန်*(1993) - မောင်နန္ဒ*
5. တပြည်သူမရွှေထား*(1994) - စင်ရော်မောင်မောင်*
6. ပန်းသခင်*(1996) - ကြည်မြင့်*
7. သူ့ကျွန်မခံပြီ*(1997) - ကြည်စိုးထွန်း*
8. ငရဲသား*(2000) - သီဟတင်စိုး*
9. ကျန်စစ်မင်း*(2005) - လူမင်း
10. ဆဋ္ဌဂံ (2005) - ကြည်စိုးထွန်း*
11. မျှော်လင့်ခြင်းများစွာ*(2006) - မောင်မျိုးမင်း (ရင်တွင်းဖြစ်)*
12. အများနဲ့မသက်ဆိုင်သောသူ*(2008) - ညီညီထွန်းလွင်*
အကယ်ဒမီ (၃) ဆု
==========
1. ဖိုးပြုံးချို*(1955) - အေဝမ်းဦးတင်မောင်
2. ဘဝသံသရာ*(1956) - ဦးသုခ*
3. ဖြေလျော့ခွေ (1958) - ဦးချစ်ခင်*
4. ကိုယ်ပိုင်မေတ္တာ*(1961) -
5. စကားပြောသောအသဲနှလုံး*(1968) - ဦးသုခ*
6. ဘယ်သူပြိုင်လို့လှပတော့နိုင်*(1973) - ဦးသုခ*
7. အကာကအချစ်၊ အနှစ်ကမေတ္တာ (1979) -
8. ကြည်ပြာ*(1980) - ကြည်မြင့်*
9. သင်္ကြန်မိုး*(1985) - မောင်တင်ဦး*
10. ပန်းသီတဲ့ကြိုး (1985) -
11. ခုနှစ်စဉ်အလွမ်း (1990) - မောင်ဝဏ္ဏ*
12. ပုဂံမှာသာတဲ့လ (1995) - စင်ရော်မောင်မောင်
13. အနှိုင်းမဲ့ရင်ခွင်*(1998) - မလိခစိုးထိုက်အောင်*
14. ရင်ထဲကဆောင်းရာသီ (1999) - မောင်ဝဏ္ဏ
15. တောင်သမန်သစ္စာ (2006) - မောင်နန္ဒ
16. ပန်းပျိုးသူတို့အလင်္ကာ (2006) - ဟိန်းစိုး
17. အာဒံရယ်၊ ဧဝရယ်၊ ဒဿရယ်*(2010) - ဝိုင်း
18. ဥ (2012) - ကိုဇော် (အာရုဏ်ဦး)*
19. နင်စေရင် (2013) - ဝိုင်း
20. နှလုံးသားတွင်ပြုလုပ်သည် (2014) - ဝိုင်း
Source : M-MDB
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။