မီဆွတ်အိုဇေးလ် လို့ဆိုလိုက်တာနဲ့ တကယ်ကို ထူးချွန်တဲ့ခြေစွမ်းတွေနဲ့ ဘောလုံးဝါသနာရှင်ပရိတ်သတ်တိုင်းက ချစ်ခင်အားပေးကြရတဲ့ ကွင်းလယ်ဘောလုံးကစားသမားတစ်ဦးလို့ အများက သတ်မှတ်ထားကြတာပဲဖြစ်ပါတယ်။ သူ့ကို ဂျာမနီနိုင်ငံမှာ မွေးဖွားခဲ့တာဖြစ်ပြီး (၁၉၉၅) ခုနှစ် မှ စတင်ကာ လူငယ်ဘောလုံးကစားသမားဘဝဖြင့် စတင်ခဲ့တာဖြစ်ပါတယ်။အဲ့နောက်မှာတော့ သူဟာ ရီးရဲမက်ဒရစ် ၊ အာဆင်နယ် အစရှိတဲ့ အသင်းကြီးများမှာ ကစားလဲ့ပြီး လက်ရှိမှာတော့ ဖီနာဘာဂျီအသင်းမှာ ကျောနံပါတ်(၁၀) နှင့် ကစားနေတာဖြစ်ပါတယ်။
သူဟာ ဘောလုံးအားကစားတွင်ထူးချွန်ရုံသာမက လူမှုရေးလုပ်ငန်းများဖြစ်တဲ့ ပရဟိတလုပ်ငန်းများစွာပြုလုပ်ပြီး အမြဲကူညီနေတဲ့ လူတော်လူကောင်းတစ်ယောက်လည်းဖြစ်ပါတယ်။သူဟာ မြန်မာနိုင်ငံ က ခွဲစိတ်ရန်လိုအပ်နေခဲ့တဲ့ ကလေးငယ်များ၊ ကမ္ဘာအနှံ့မှာရှိကြတဲ့ ကလေးငယ်များ ၊ ဒုက္ခသည်စခန်းများမှ သိန်းချီနေတဲ့ လူပေါင်းများစွာ အတွက် ငွေကြေးများလှူဒါန်းခဲ့တဲ့အပြင် သူ့ရဲ့ မင်္ဂလာဆောင်နေ့မှာ အိမ်ခြေရာမဲ့ပေါင်း(၁၆၀၀၀)အတွက် လှူဒါန်းကာ ကူညီခဲ့သူဖြစ်ပါတယ်။
ယမန်နေ့ အောက်တိုဘာ(၁၅)ရက်နေ့ဟာ သူ့ရဲ့ (၃၃)နှစ်ပြည့်မွေးနေ့ပဲဖြစ်ပါတယ်.အလုပ်မှာထူးချွန်တဲ့အပြင် လက်တွေ့လူမှုဘဝမှာပါ အပြစ်ပြောရက်စရာမရှိတဲ့ အိုဇေးလ်တစ်ယောက် မွေးနေ့မှစ နောင်နှစ်ပေါင်းများစွာ ဘဝကို စိတ်တိုင်းကျဖြတ်သန်းနိုင်ပါစေလို့လည်းဆုတောင်းပေးလိုက်ရပါတယ်။