ယခုရက်ပိုင်း ကယားပြည်နယ်အတွင်းမှာ လက်နက်ကိုင် လူတစ်စုတပ်တွေနဲ့ ဒေသခံတပ်ပေါင်းစု ပြည်သူ့ကာကွယ်ရေးတပ် PDF/ KNDF /KA တွေအကြား တစ်ကျော့ပြန် စစ်ရေးတင်းမာပြီး တိုက်ပွဲပြင်းထန်လာခဲ့ပါတယ်။ ယင်းတိုက်ပွဲတွေမှာ နှစ်ဖက်အကျအဆုံးတွေရှိခဲ့တဲ့အပြင် လူနေအိမ်တချို့ မီးလောင်ပျက်စီးသွားခဲ့ရပါတယ်။ ကျေးရွာတွေမှာတော့ ဒေသခံပြည်သူများဟာ တိုက်ပွဲတွေကြောင့် ဘေးလွတ်ရာမှာ ထွက်ပြေးတိမ်းရှောင်နေကြတာ ဖြစ်ပါတယ်။
ယခုမှာလည်း PDF တပ်ဖွဲ့ဝင်တစ်ဦးရဲ့ လူမှုကွန်ယက်မှာ စိတ်မကောင်းစရာ ရုပ်သံဖိုင်တစ်ခုကို ဖော်ပြလာတာတွေ့ရပါတယ်။ ဒါကတော့ ခရီးသွားကားတစ်စီး လမ်းမပေါ်မှာပဲ ပစ်ခတ်ခံရပြီး မီးရှို့ဖျက်စီးခံထားရတာ ဖြစ်ပါတယ်။ အဆိုပါ ကားအတွင်းမှာတော့ မီးလောင်ပျက်စီးနေတဲ့ ရုပ်အလောင်းတစ်လောင်းလည်း တွေ့ရှိခဲ့ပါတယ်။
PDF တွေရဲ့ ဖော်ပြချက်အရ ဒီကားဟာ စတင်ဘာ (၂၅) ရက်နေ့ ဒီမော့ဆိုမြို့နယ်အတွင်း နှစ်ဖက်တပ်တွေ တိုက်ပွဲပြင်းထန်နေချိန် တိုက်ပွဲကြားရောက်ခဲ့ပြီး တစ်ဖက်အဖွဲ့က ပစ်ခတ်မီးရှို့ခဲ့တာ ဖြစ်ပါတယ်။ ဒီးမော့ဆိုဘက်ကို စထွက်တဲ့ချိန် PDF/ KNDF /KA တို့ဘက်မှ တားခဲ့သော်လည်း မရပ်ခဲ့ဘဲ တိုက်ပွဲကြားမှာ ရောက်ခဲ့ကာ ကုန်းသာအကျော်မှ ရပ်တန့်ခဲ့တယ်ပြီး ယခုလိုဖြစ်တာလို့ သိရတယ်။ လက်ရှိမှာတော့ ပစ်ခတ်ခံရတဲ့ အဆိုပါ ကားဟာ ဘယ်ကမှန်းမသိ အတည်မပြုနိုင်ဘူးလို့ PKPF က ဖော်ပြထားပါတယ်။ ဒီရုပ်သံဖိုင်ကိုလည်း ပရိသတ်တွေ ပြန်လည်ကြည့်ရအောင် PDF ရဲဘော်တစ်ဦးကနေ ကူးယူဖော်ပြပေးလိုက်ပါတယ်။
သတင်း အရင်းအမြစ်៖ Source - Phoe Thaike