နိုင်ငံရေးမတည်ငြိမ်မှုတွေကြောင့် ပြည်သူတွေအနေနဲ့ အသက်အိုးအိမ်စည်းစိမ်တွေ အများအပြား ဆုံးရှုံးနေကြရတဲ့အပြင် ကပ်ရောဂါဆိုးတွေရဲ့ ဖိစီးနှိပ်စက်မှုတွေကိုလည်း ရင်ဆိုင်ခံစားနေကြရတာ ဖြစ်ပါတယ်။ စစ်ဘေးရှောင်ပြည်သူတွေမှာ အခြေအနေတွေပိုမိုပြင်းထန်လာတဲ့ တိုက်ပွဲတွေကြားမှာ အိုးအိမ်တွေစွန့်ခွာကာ အသက်လုပြေးလွှားနေကြရတာလည်းဖြစ်ပါတယ်။
အခုနောက်ပိုင်းမှာဆိုရင်လည်း တိုက်ပွဲအခြေအနေတွေဟာ တစ်ဆထက်တစ်ဆအခြေအနေပိုမိုပြင်းထန်လာနေပြီး တိုင်းရင်းသားဒေသတွေမှာ ထိစပ်တိုက်ပွဲတွေဆက်တိုက်ဖြစ်ပေါ်နေပြီး တစ်ဖက်ကနေ လေကြောင်းတိုက်ခိုက်မှုတွေနဲ့ လက်နက်ကြီးပစ်ခတ်မှုတွေအထိပါ အသုံးပြုလာတာကြောင့် ကျဆုံးသွားရတဲ့ ပြည်သူ့ရဲဘော်တွေလည်းရှိလာနေပြီး ရွာသူရွာသားတွေမှာလည်း စစ်ဘေးရှောင်နေကြရတာကို တွေ့ရပါတယ်။
ကေအန်ယူတပ်မဟာ၃၊ တပ်ရင်း ၉ဘက်မှာဆိုရင်လည်း တစ်ဖက်ကနေအင်အားများစွာသုံးပြီး ထိုးစစ်ဆင်လာတာကြောင့် အနီးနားရှိရွာသူ၊ ရွာသားတွေလည်း ဘေးလွတ်ရာကိုထွက်ပြေးတိမ်းရှောင်နေရကာ အဆင်ပြေသလိုလေး မိုးကာတွေထိုးကာ စစ်ဘေးရှောင်နေကြရတာဖြစ်ပါတယ် ။ ပရိသတ်တွေအတွက် ပြန်လည်ဖော်ပြပေးလိုက်ပါတယ် ။
သတင်း အရင်းအမြစ်៖ Dawkalu Network's Facebook page