တချို့မိဘတွေကတော့ မိမိတို့ရဲ့သားသမီးလေးတွေကို အကြောင်းအမျိုးမျိုးကြောင့်စွန့်ပစ်နေကြတာဖြစ်ပါတယ်။တချို့တွေလည်း စီးပွါးရေးအခက်အခဲကြောင့် ရင်သွေးလေးတွေကို မိဘမဲ့ဂေဟာတွေဆီပို့လိုက်ရပေမယ့် ရင်နဲ့မဆံ့အောင်ခံစားရမှာပဲဖြစ်ပါတယ်။မိဘမေတ္တာငတ်မွတ်လာကြတဲ့ ကလေးငယ်တွေကိုလည်း ဂေဟာတွေ ပရဟိတကျောင်းလေးတွေက ခေါ်ယူမွေးစားပြီး မေတ္တာအပြည့်နဲ့ ဂရုစိုက်စောင့်ရှောက်ပေးကြတာဖြစ်ပါတယ်။
မန္တလေးမြို့က YGW ပရဟိတမိဘမဲ့ကျောင်းလေးမှာဆိုရင်လည်း ကလေးတွေအများအပြားရှိကြပြီး ဘုန်းဘုန်းတို့ကမေတ္တာတွေပေးကြတာဖြစ်ပါတယ်။မွေးကာစကလေးငယ်တွေကစပြီး အရွယ်ရောက်နေတဲ့ကလေးတွေအထိ သူတို့ရဲ့ တစ်နေ့တာဝေယျာဝစ္စတွေကို ဘုန်းဘုန်းတို့ကပဲဆောင်ရွက်ပေးတာဖြစ်ပါတယ်။ကလေးတွေကလည်းမေတ္တာစစ်တွေသာပေးတဲ့နေရာမှာ ကြီးပြင်းလာကြတော့ နေ့တိုင်းလိုလိုပျော်ရွှင်နေရတာဖြစ်ပါတယ်။
အလှူရှင်တွေကလည်း YGW ပရဟိတမိဘမဲ့ကျောင်းက ကလေးတွေအတွက် စားနပ်ရိက္ခာတွေ၊ကစားစရာတွေ၊အဝတ်အထည်တွေကို လှူပေးနေကြတာဖြစ်ပါတယ်။ကလေးတွေကလည်း အလှူရှင်တွေရဲ့မေတ္တာကိုအသိအမှတ်ပြုတဲ့အနေနဲ့ ထမင်းတစ်နပ်စားတိုင်း အလှူရှင်များကိုမေတ္တာပို့ပေးတာဖြစ်ပါတယ်။အရွယ်နဲ့မလိုက်အောင် သိတတ်နားလည်ပြီး အေးချမ်းတဲ့နေရာလေးမှာနေထိုင်ရတဲ့ ကလေးငယ်တွေရဲ့ပုံရိပ်တွေကို ပြန်လည်မျှဝေပေးလိုက်ပါတယ်။
Source&Photo Credit:YGW ပရဟိတမိဘမဲ့ကျောင်း Fb page