လမ်းပေါ်က ချို့တဲ့သူသက်ကြီးရွယ်အိုတွေကို ငှက်သိုက်ကဒ်တွေ လိုက်လံလှူဒါန်းပေးခဲ့တဲ့ ပြည်သူတစ်ဦးရဲ့ ပြောင်မြောက်တဲ့ဒါန

ပြီးခဲ့တဲ့ Covid တတိယလှိုင်းမှာ ပြည်သူတွေရဲ့အသက်တွေတော်တော်လေး ဆုံးရှုံးခဲ့ပြီး အများစုဟာ နေမကောင်းသူတွေအားရှိအောင် ကြက်ပေါင်းနဲ့ ငှက်သိုက်တွေဝယ်တိုက်ကြတာကြောင့် ငှက်သိုက်တွေ တော်တော်များများဈေးတက်သွားခဲ့တာ အားလုံးအသိပါပဲ။ ဈေးကွက်ထဲမှာ ဝယ်မရလောက်အောင်ထိ ရောင်းအားတက်ခဲ့ပြီး တော်တော်များများငှက်သိုက်တွေဟာလည်း ဈေးတွေအဆမတန်တက်ခဲ့ကြပါ တယ်။ သာမာန်အခြေအနေမှာတောင် ငှက်သိုက်ဝယ်သောက်ဖို့ အဆင်မပြေတဲ့အခြေခံလူတန်းစားတွေဟာ ဒီလိုဈေးတက်နေချိန်မှာ ပိုပြီးအလှမ်းဝေးကြမှာပါ။

ပြီးခဲ့တဲ့တတိယလှိုင်းမှာ လူတန်းစားပေါင်းစုံ အလွှာပေါင်းစုံကပြည်သူတွေသေဆုံးခဲ့ပြီး မိသားစုဝင်တွေရဲ့ ကြေကွဲမှုဟာ ယနေ့ထက်တိုင်ခံစားနေရဆဲပါပဲ။ ပရဟိတအလုပ်တွေကို တွင်တွင်ကျယ်ကျယ်လုပ်နေတဲ့ ကိုပူတူးဟာ လမ်းမှာတွေ့တဲ့အသက်အရွယ်ကြီးရင့်သူတွေကို ငှက်သိုက်ကဒ်တွေလိုက်လံလှူဒါန်းပေးခဲ့ပြီး အလှူလက်ခံရရှိသူတွေရဲ့ ပီတိအပြုံးပုံရိပ်တွေကို သူ့ရဲ့လူမှုကွန်ယက်မှာ အများကမုဒိတာပွားပြီး သာဓုခေါ်ဆိုနိုင်အောင် ပြန်လည်ဝေမျှခဲ့ပါတယ်။

လှူဒါန်းပေးတဲ့ငှက်သိုက်ကဒ်လေးကိုကိုင်ရင်း ဝမ်းသာမဆုံးဖြစ်နေတဲ့ အလှူလက်ခံသူတွေရဲ့ ပုံရိပ်တွေဟာ တကယ်ကိုကြည်နူးစရာပါပဲ။ နေမကောင်းဖြစ်ချိန် ဆေးကုဖို့မဆိုထားနဲ့ နေ့စဉ်စားသောက်ရေး အတွက်တောင် အတော်လေးရုန်းကန်နေရတဲ့အနေအထားတွေ ဖြစ်နေတာကြောင့် အခုလိုလှူဒါန်းပေးမှုဟာ အတော်လေးကိုအဆင်ပြေပါတယ်။ ချို့တဲ့သူတိုင်းကို စေတနာထားပြီး ကာလဒါနပြုတတ်တဲ့ ကိုပူတူးကို ပြည်သူအများက ချီးကျူးစကား မှတ်ချက်တွေပေးခဲ့ကြပါတယ်။

သတင်း အရင်းအမြစ်៖ ArrPuu Tuu's FB Acc