ယနေ့အချိန်ထိ ပရိသတ်တွေရဲ့ ချစ်ခင်အားပေးမှုကို ရရှိထားတဲ့ သရုပ်ဆောင်လူမင်းကတော့ အနုပညာလောကမှာ အချိန်အတော်ကြာ ရပ်တည်ထားနိုင်သူဖြစ်ပါတယ်။ နွေဦးတော်လှန်ရေးတိုက်ပွဲမှာ ရဲရဲရင့်ရင့်နဲ့ ပါဝင်ဆင်နွှဲခဲ့တဲ့ လူမင်းကတော့ ၅၀၅(က)နဲ့ ဖမ်းဆီးထိန်းသိမ်းခြင်းကို ခံထားရသူဖြစ်ပါတယ်။ အကယ်ဒမီလူမင်းလိုပဲ ပြည်သူတွေဘက်ကနေ မားမားမတ်မတ်ရပ်တည်ခဲ့တဲ့ နာမည်ကြီးအနုပညာရှင်အချို့ဟာလည်း ဖမ်းဆီးခံထားရပါတယ်။
ယနေ့စက်တင်ဘာလ (၂၃)ရက်နေ့ကတော့ အကယ်ဒမီလူမင်းရဲ့ သမီးလေးဖြစ်တဲ့ ဧရာဝတီရဲ့ မွေးနေ့ရက်မြတ်လေးပဲ ဖြစ်ပါတယ်။ သရုပ်ဆောင်ခိုင်သင်းကြည်ကတော့ လူမင်းတို့မိသားစုလေးနဲ့ အချိန်အတော်ကြာ ခင်မင်ရင်းနှီးခဲ့ကြတာပဲ ဖြစ်ပါတယ်။ ခိုင်သင်းကြည်ကတော့ ယခုမှာ ဖခင်ဖြစ်သူဖမ်းဆီးထိန်းသိမ်းခံထားရလို့ မွေးနေ့ပွဲလေးကို မိသားစုစုံလင်စွာ ကျင်းပခွင့်မရတဲ့ လူမင်းရဲ့သမီးလေးအား မွေးနေ့ဆုမွန်ကောင်းလေး တောင်းပေးလာခဲ့ပါတယ်။
ခိုင်သင်းကြည်ကတော့ " Happy Birthday သမီးလေးဧရာဝတီ ဒီနှစ်မွေးနေ့လေးမှာ ဖေဖေနဲ့အတူမရှိနိုင်ပေမယ့် မိသားစုတွေပျော်ရွှင်စွာနဲ့ အမြန်ဆုံးပြန်ပြီးဆုံစည်းနိုင်ကြပါစေလို့ ဆုတောင်းပေးလိုက်ပါတယ်နော် " ဆိုပြီး ရေးသားထားပါတယ်။ ပြည်သူတွေကလည်း လူမင်းတို့မိသားစုလေး အမြန်ဆုံးပြန်လည်ဆုံတွေ့နိုင်ကြစေဖို့ ဆုတောင်းပေးမှုတွေ ပြုလုပ်နေကြပါတယ်။ အကယ်ဒမီလူမင်းတို့ မိသားစုလေးရဲ့ ပျော်ရွှင်စရာကောင်းတဲ့ အမှတ်တရပုံရိပ်လေးတွေကို ပြန်လည်ဖော်ပြပေးလိုက်ရပါတယ်။
Source : khine thin kyi ' s facebook page