ပြီးခဲ့တဲ့ စက်တင်ဘာလ ၁၉ ရက်နေ့ထဲက ပေါက်ကွဲမှုဖြစ်ပေါ်ခဲ့တဲ့ စပိန်နိုင်ငံ လာပယ်မာကျွန်းပေါ်က မီးတောင်ဟာ ဆက်လက်ပေါက်ကွဲနေဆဲဖြစ်တယ်လို့ သိရပါတယ်။
ဒီကနေ့ထိဆိုရင် မီးတောင်ပေါက်ကွဲတာဟာ ငါးရက်မြောက်ရှိလာပြီဖြစ်ပြီး ချော်ရည်ပူတွေက ဆက်လက်စီးဆင်းနေဆဲ ဖြစ်ပါတယ်။
လက်ရှိမှာဆိုရင်လည်း မီးတောင်ကထွက်လာတဲ့ ချော်ရည်တွေကြောင့် အိမ်ခြေ ၁၅၀ ကျော်ပျက်ဆီးသွားခဲ့ပြီပဲ ဖြစ်ပါတယ်။
ဒါ့အပြင် မီးတောင်ပတ်ဝန်းကျင်မှာရှိတဲ့မြို့က ဒေသခံပြည်သူတွေကိုလည်း ဘေးလွတ်ရာရွှေ့ပြောင်းနေရပြီး လူပေါင်းထောင်နဲ့ချီအောင် ထွက်ပြေးတိမ်းရှောင်နေရပါတယ်။
တာဝန်ရှိသူတွေအနေနဲ့လည်း အပျက်အဆီးတွေနည်းစေဖို့အတွက် ချော်ရည်တွေကိုလမ်းကြောင်းလွှဲဖို့ လုပ်ခဲ့ပေမယ့်လည်း သိပ်အရာမထင်ခဲ့ပါဘူး။
လက်ရှိမှာ ချော်ရည်တွေဟာ အတ္တလန္တိတ် သမုဒ္ဒရာဘက်ကို ဆီးစင်းနေပြီး သမုဒ္ဒရာထဲရောက်သွားပါက ပေါက်ကွဲမှုတွေနဲ့ အဆိပ်သင့် ဓာတ်ငွေ့တိမ်တိုက်တွေ ဖြစ်နိုင်ချေ ရှိပါတယ်လို့ သိရပါတယ်။
သတင်း အရင်းအမြစ်៖ Reuters
Bong I.T