ကမ္ဘာ့ထိပ်တန်းမော်ဒယ်တွေထဲမှာ တစ်ယောက်အပါအဝင်ဖြစ်တဲ့ Squid Game ထဲက မင်းသမီးလေး Jung Ho Yeon ရဲ့ခပ်မိုက်မိုက်ပုံရိပ်များ

စက်တင်ဘာလ (၁၇)ရက်နေ့တွင် ဖြန့်ချီခဲ့တဲ့ ကိုရီးယားရုပ်ရှင် "Squid Game" ဇာတ်ကားကြီးက မြန်မာပြည်သူတွေကြားထဲမှာ အရမ်းရေပန်းစားနေတာဖြစ်ပါတယ်။အဲ့ဒီဇာတ်ကားထဲမှာ သရုပ်ဆောင်တွေအကုန်လုံးကသဘာဝကျကျနဲ့ ဇာတ်ကွက်တွေကို သရုပ်ဆောင်ထားတာကြောင့် ပရိသတ်တွေလည်းကြိုက်နှစ်သက်ကြတာဖြစ်ပါတယ်။Squid Game ထဲမှာ ပါဝင်သရုပ်ဆောင်ထားတဲ့ Jung Ho Yeon ကလည်း သူမရဲ့ပွဲဦးထွက်ရုပ်ရှင်မှာ စိတ်ရောကိုယ်ပါနှစ်ပြီးကြိုးစားထားတာဖြစ်ပါတယ်။

Jung Ho Yeon က မော်ဒယ်တစ်ယောက်ဖြစ်ပြီး မင်းသမီးတစ်လက်မဟုတ်တာတောင် သူမရဲ့ဇာတ်ရုပ်ကိုကျွမ်းကျင်ပိုင်နိုင်စွာ သရုပ်ဆောင်နိုင်ခဲ့ပါတယ်။လက်ရှိမှာတော့ သူမရဲ့အသက်က (၂၇) နှစ်အရွယ်ရှိနေပြီဖြစ်ပြီးပွဲဦးထွက်ရုပ်ရှင်နဲ့တင် လူပိုသိပြီးအောင်မြင်လာတာဖြစ်ပါတယ်။သူမက ဒီဇာတ်ကားတွင် မပါဝင်ခင်မှာ runways model အဖြစ်ရပ်တည်ခဲ့ပြီး နာမည်ကြီးမဂ္ဂဇင်းတွေမှာလည်းရိုက်ကူးခဲ့ပါတယ်။တစ်ချိန်တုန်းကဆိုရင် ကမ္ဘာ့ထိပ်တန်းမော်ဒယ် အယောက် (၅၀)ထဲမှာ သူမလည်းပါဝင်ခဲ့ပါတယ်။

Ho Yeon က အသက် (၁၆)နှစ်အရွယ်ကတည်းက မော်ဒယ်လောကသို့ဝင်ရောက်ခဲ့ပြီး (၂၀၁၃)ခုနှစ်မှာ Korea Next Top Model stint ဖြစ်ခဲ့ပါတယ်။သူမရဲ့အလှအပတွေကလည်း ဆွဲဆောင်မှုအပြည့်ရှိပြီး နိုင်ငံတကာမော်ဒယ်တွေရဲ့ စံချိန်နဲ့ကိုက်ညီမှုရှိပါတယ်။ဒါ့ကြောင့် Squid Game ထဲမှာ စတင်ကြည့်ရှု့လိုက်ရတဲ့ မြန်မာပရိသတ်တွေကလည်း သူမရဲ့အလှအပတွေကိုအံ့ဩမှင်သတ်ခဲ့ကြပါတယ်။ရိုးရှင်းတဲ့အလှတရားနဲ့ ပရိသတ်တွေရဲ့ရင်ထဲမှာနေရာယူခဲ့နိုင်တဲ့ Ho Yeon ရဲ့ပုံရိပ်တွေကို ပြန်လည်မျှဝေပေးလိုက်ပါတယ်။

Source&Photo Credit:Jung Ho Yeon’s Instagram acc