ပြီးခဲ့တဲ့ရက်ပိုင်းက စပိန်နိုင်ငံကန်နာရီကျွန်းစုမှာ မီးတောင်ပေါက်ကွဲမှုဖြစ်ပြီး ပြည်သူတွေမှာ စိုးရိမ်ထိတ်လန့်မှာတွေနဲ့ အလန့်တကြားဖြစ်ပွားခဲ့ကြရပါတယ်။ မီးတောင်ပေါက်ကွဲမှုဖြစ်ပြီး နောက်တစ်ရက်မှာ ချော်ရည်တွေ တစ်ဟုန်ထိုး စီးဆင်းလာတာကြောင့် အိမ်ခြေပေါင်း (၁၀၀)နီးပါး ပျက်စီးရသလို ဒေသခံပြည်သူတွေ ဘေးလွတ်ရာကို ရှောင်နေကြရတယ်လို့ သိရပါတယ်။
လူပေါင်း (၅၅၀၀)ကျော်ကိုလည်း အဲဒီ ဧရိယာကနေ ထွက်ခွာကြဖို့ အတင်းအကြပ် အမိန့်ပေးထားကြောင်း အာဏာပိုင်တွေက ထုတ်ပြန်ပြောကြားခဲ့ပါတယ်။ လာမယ်မာကျွန်းပေါ်က ကမ်ဘရီ ဗီဂျားမီးတောင်ဟာ ပြီးခဲ့တဲ့ တနင်္ဂနွေနေ့ နေ့လယ်ပိုင်းက ပေါက်ကွဲမှုဖြစ်ပြီး ကောင်းကင်ထဲ မီးခိုးလုံးမည်းတွေ လွင့်တက်နေခဲ့ကာ ပွင့်ထွက်လာတဲ့ ချော်ရည်ပူတွေကလည်း တောင်စောင်းတစ်လျှောက် စီးဆင်းလာခဲ့တာ ဖြစ်ပါတယ်။
အိုးအိမ်တွေ ပျက်စီးခဲ့ကြရတဲ့အတွက် အခက်အခဲတွေနဲ့ ရင်ဆိုင်နေရသလို အသက်ဘေးအတွက်လည်း ကြိုးစားရှောင်ပြေးနေကြရတာ ဖြစ်ပါတယ်။ အဆိုပါမီးတောင်ပေါက်ကွဲမှုကြောင့် ဒေသခံပြည်သူတွေအတွက် ဘေးကင်းကြစေဖို့ မျှော်လင့်ကာ အားလုံးကလည်း ဆုတောင်းမေတ္တာတွေ ပို့ထားကြတာ တွေ့ရပါတယ်။
သတင်း အရင်းအမြစ်៖ ထိုင်းနိုင်ငံရှိ မြန်မာအလုပ်သမားများ Fb Page