ဘဝကိုအရှုံးမပေးဘဲ လက်တွန်းလှည်းလေးတွန်းပြီး တုန်တုန်ချိချိ ဈေးရောင်းရုန်းကန်နေရှာတဲ့ အသက်(၉၂)နှစ်အရွယ် အဖွားဒေါ်စာဥ

သက်ကြီးရွယ်အိုးအဖိုးအဖွားတွေမှာ လက်ရှိအခြေအနေကာလကြီးမှာ စားဝတ်နေရေးခက်ခဲပြီး မှီခိုအားထားစရာမရှိတာကြောင့် ဝမ်းရေးအတွက် ကိုယ်တိုင်ကြိုးစားရုန်းကန်နေကြရတာ တွေ့ရပါတယ်။ မှီခိုအားထားစရာမရှိတဲ့အတွက် ကျန်ရှိနေတဲ့သက်တမ်း အသက်ရှင်နေထိုင်နေရေးအတွက် ပူပင်သောကတွေနဲ့ တုန်တုန်ချိချိ လုပ်ကိုင်စားသောက်နေကြရတာ ဖြစ်ပါတယ်။

ရန်ကုန်တိုင်းဒေသကြီး သာကေတမြို့နယ်မှာ နေထိုင်တဲ့ အသက်(၉၂)နှစ်အရွယ် အဖွားအိုတစ်ဦးမှာလည်း စားဝတ်နေရေးအတွက် လက်တွန်းလှည်းလေး တွန်းကာ ဈေးရောင်းနေရှာတာ တွေ့ရပါတယ်။ အသက်အရွယ်ကြီးရင့်နေပေမယ့်လည်း ဘဝကိုအရှူံးမပေးဘဲ ဝမ်းရေးအတွက် တွန်းလှည်လေးနဲ့ ခေါပျဉ်ရောင်းရရှာတဲ့ အဖွားဒေါ်စာဥအတွက် လူရွှင်တော်မိုးစက်ကလည်း အလှူငွေတွေနဲ့အတူ သွားရောက်ဂါဝရပြု ကန်တော့ခဲ့ပါတယ်။ 

လူရွှင်တော်ဦးလေးဦးကံပွင့် ပြောပြလို့ အဖွားအကြောင်းကို သိခွင့်ရတာဖြစ်ပြီး ဈေးရောင်းတဲ့ တွန်းလှည်းလေးက ကလေးတွန်းလှည်းလေးဖြစ်နေတဲ့အတွက် ရင်ထဲစိတ်မကောင်းတဲ့ အကြောင်းတွေကိုလည်း မိုးစက်က ပြောပြထားပါသေးတယ်။ အဖွားဒေါ်စာဥကတော့ သာကေတမြို့နယ်၊ (၉)ရပ်ကွက်၊ နဝရတ်လမ်းကျယ်မှာ နေထိုင်ပြီး (၁၀)ဈေးမှာ မနက်ပိုင်းဈေးရောင်းကာ မနက်ပိုင်းမကုန်ရင် ညနေဈေးတစ်ခါထွက်တယ်လို့ သိရတာကြောင့် အဖွားဆီမှာအားပေးနိုင်ကြဖို့ မျှဝေတင်ဆက်လိုက်ပါတယ်နော်။ 

သတင်း အရင်းအမြစ်៖ Moe Sat's Fb Acc