ဟိုးလွန်ခဲ့တဲ့ နှစ်တွေတုန်းက အမေရိကန်နိုင်ငံ Yosemite အမျိုးသားဥယျာဉ်အတွင်းက Mariposa သစ်တောအုပ်အတွင်းမှာ အလွန်ကြီးမားတဲ့သစ်ပင်ကြီးတစ်ပင်ရှိပါတယ်။
ဒီသစ်ပင်ကြီးကိုတော့ Wawona လို့ခေါ်ကြပြီး ပညာတွေရဲ့ပြောကြားချက်အရ ဒီသစ်ပင်ကြီးရဲ့သက်တမ်းဟာ နှစ်ပေါင်း ၂၃၀၀ ဝန်းကျင်လောက်ရှိတယ်လို့ သိရပါတယ်။
ဒီအပင်ကြီးရဲ့ ပင်စည်ကိုတော့ ၁၈၈၁ ခုနှစ်က ဖောက်ထွင်းပြီး ကားတစ်စီးစာလောက် ဖြတ်သန်းသွားလာလို့ရအောင် ပြုလုပ်ခဲ့ကြပါတယ်။
ဒါ့ကြောင့်ပဲ ကားတွေဖြတ်မောင်းလို့ရတဲ့ ဒီသစ်ပင်ကြီးဟာ တဖြေးဖြေးနဲ့ စိတ်ဝင်စားသူများပြားလာခဲ့ပြီး ကမ္ဘာလှည့်ခရီးသွားတွေကို စွဲဆောင်နိုင်တဲ့အရာတစ်ခုဖြစ်လာခဲ့ပါတယ်။
Wawona Tunnel Tree လို့လည်းကျော်ကြားတဲ့ ဒီသစ်ပင်ကြီးဟာ အပေါက်ဖောက်ပြီးနောက်ပိုင်း နှစ်ပေါင်း ၈၀ ကျော်လောက်ကြာတဲ့အထိ လာရောက်လည်ပတ်သူတွေနဲ့ စည်ကားနေခဲ့ပါတယ်။
သို့ပေမယ့်လည်း ၁၉၆၉ ခုနှစ်မှာအရောက်မှာတော့ ဒီအပင်ကြီးရဲ့ ထိပ်ပိုင်းတစ်ခုလုံး ဆီးနှင်းများဖုံးအုပ်သွားခဲ့ပြီး ဆိုးရွားတဲ့အခြေအနေတွေနဲ့ ကြုံတွေ့ခဲ့ရတာကြောင့် ခုတ်လှဲခဲ့ရပါတယ်လို့ သိရပါတယ်။
သတင်း အရင်းအမြစ်៖ Wikipedia
Bong I.T