Lady Gaga ဆိုတာနဲ့ 90's born တွေရဲ့ အသည်းစွဲကြိုက်ခဲ့ရတဲ့ Bad Romance,Poker Face အစရှိတဲ့ သီချင်းများပိုင်ရှင်ဆိုပြီး သိကြပါတယ်။ သူမ ရဲ့ နာမည်အရင်းကတော့ Stefani Joanne Angelina Germanotta ဖြစ်ပါတယ်။သူမကို (၁၉၈၆) ခုနှစ်၊ မတ်လ (၂၈) ရက် မှာမွေးဖွားခဲ့တာဖြစ်ပြီး အခုဆိုရင်တော့ သူမဟာ အသက်(၃၅) နှစ်ရှိပြီဖြစ်ပါတယ်။
သူမဟာ သီချင်းရေးသားခြင်း၊သီချင်းများသီဆိုခြင်းအပြင် သရုပ်ဆောင်အလုပ် စတဲ့ အနုပညာလုပ်ငန်းများကို တွဲဖက်လုပ်ကိုင်နေတာဖြစ်ပါတယ်။သူမဟာ သူမရဲ့ Music Video တိုင်းမှာ ထူးခြားတဲ့ အမိုက်စား ဖက်ရှင်တွေနဲ့ အလန်းစားသီချင်းတွေကြောင့် ပရိတ်သတ်ကြားရေပန်းစားအောင်မြင်လာတာဖြစ်ပါတယ်။
ယခုလည်း သူမဟာ နာမည်ကျော်သရုပ်ဆောင်ပေါင်းများစွာပါဝင်တဲ့ House Of Gucci ရုပ်ရှင်ဇာတ်ကားမှာပါဝင်သရုပ်ဆောင်မှာဖြစ်ပါတယ်။House of Gucci ရုပ်ရှင် မှ သူမ ရဲ့ပုံအသစ်တစ်ချို့ ထွက်ရှိလာပါတယ်။သူမ ဟာ Script (၅၄) ခု အထိသရုပ်ဆောင်ခဲ့ရပြီး ဇာတ်၀င်ခန်းတိုင်းမှာ အပြင်အဆင် တစ်ခုမှမထပ်အောင် ၀တ်စားပြင်ဆင်ခဲ့ပါတယ်တဲ့။နားကပ်ကအစ အသေးစိတ် မတူအောင်၀တ်ဆင်ခဲ့တယ်လို့ကြားရပါတယ်။သူမရဲ့ ပရိတ်သတ်တွေကလည်း ဒီဇာတ်ကားကြီးကို အရမ်းရင်ခုန်စွာနဲ့ပဲ စောင့်မျှော်နေကြပါပြီတဲ့။