၂၀၂၁ ၊ ဖေဖော်ဝါရီ (၁)ရက်နေ့မှ စ၍ မြန်မာနိုင်ငံဟာ စစ်ကောင်စီရဲ့ အာဏာထိန်းချုပ်မှုအောက် ရောက်ရှိနေခဲ့တာဖြစ်ပါတယ်။ပြည်သူများဟာလည်း ဖေဖော်ဝါရီ (၄) ရက်နှင့် (၅)ရက်မှ စ၍ တစ်နိုင်ငံလုံးအတိုင်းအတာနဲ့ အာဏာထိန်းချုပ်မှုကို ဆန္ဒပြမှုများပြုလုပ်ခဲ့ကြပါတယ်။ထိုကဲ့သို့သော ဆန္ဒပြမှုများကို စစ်ကောင်စီက မတ်လမှစ၍ မေလအထိ ဖြိုခွင်းခဲ့ပါတယ်။ဒါကြောင့် ဝရမ်းထုတ်ခံရသူများ၊ဖမ်းဆီးခံခဲ့ရသူများ၊ချုပ်နှောင်ခံထားရသူများနှင့် ကျဆုံးသူပေါင်းများစွာရှိပါတယ်။
ဒီလူတွေထဲမှာ ကလေးသူငယ်မှအစ သက်ကြီးရွယ်အိုများ၊ကျောင်းသားလူငယ် အစရှိသရွေ့ လူတန်းစားပေါင်းစုံပါဝင်နေပါတယ်။ဒါ့ကြောင့်ကျန်ရှိသူ ပြည်သူတွေကလည်း အမြဲတစေ သွေးမအေးအောင် ပျောက်ကြားသပိတ်တွေနဲ့ သတိပေးလေ့ရှိကြပါတယ်။
ယခုမနက်မှာလည်း ပြည်သူတွေ သွေးမအေးရေးအတွက် လူငယ်တွေစုရုံးကာ သပိတ်စစ်ကြောင်းပြုလုပ်ခဲ့ကြပါတယ်။ထိုသပိတ်စစ်ကြောင်းကတော့ အဖမ်းဆီးခံပြည်သူများအတွက်ကိုယ်စားပြု ပြုလုပ်ခဲ့တဲ့ သပိတ်စစ်ကြောင်းဖြစ်ပါတယ်။ထို ပျောက်ကြားသပိတ်စစ်ကြောင်းနှင့် လူငယ်တွေရဲ့ သတိပေးချက်တချို့ကို ပြည်သူများကြည့်ရှုခံစားလို့ရအောင် ဖော်ပြပေးလိုက်ရပါတယ်။