၂၀၂၁ ၊ ဖေဖော်ဝါရီလ (၁)ရက် နေ့မှစကာ စစ်ကောင်စီဟာ မြန်မာနိုင်ငံကို အာဏာထိန်းချုပ်မှုများစတင်ပြုလုပ်ခဲ့ပါတယ်။ဒါကြောင့်လည်း ပြည်သူလူထုတစ်ရပ်လုံးဟာ ဖေဖော်ဝါရီ(၄)ရက်နေ့မှစ၍ တစ်တိုင်းပြည်လုံးအတိုင်းအတာနဲ့ ဆန္ဒပြသပိတ်စစ်ကြောင်းများကို ငြိမ်းချမ်းစွာ ပြုလုပ်လာကြပါတယ်။
သို့ပေမယ့် စစ်ကောင်စီဟာ မတ်လ မှစ မေလအထိ သပိတ်စစ်ကြောင်းများကို ဆက်တိုက်ဖြိုခွင်းခဲ့ပါတယ်။သပိတ်စစ်ကြောင်းများဖြိုခွင်းခံရမှုကြောင့် ပြည်သူလူထုများ ဖမ်းဝရမ်းများထုတ်ခံရသလို ဖမ်းဆီးချုပ်နှောင်ခံရမှုများနှင့်ကျဆုံးမှုများလည်းရှိလာပါတယ်။ထိုအချိန်မှစလို့ လူငယ်အများစုဟာ ပြည်သူ့ကာကွယ်ရေးတပ်ဖွဲ့များသို့ စစ်သင်တန်းသွားရောက်လေ့လာကြပါတော့တယ်။
ပြည်သူ့ကာကွယ်ရေးတပ်ဖွဲ့များသို့ဝင်ရောက်ကာ ပြည်သူများအတွက်တိုက်ပွဲဝင်နေကြတဲ့ သူရဲကောင်းများစွာထဲကမှ ယမန်နေ့ စက်တင်ဘာ(၂၂)ရက်နေ့က ရဲဘော်တစ်ဦးရှေ့တန်းမှာကျဆုံးခဲ့ပါတယ်။သူ့အမည်မှာ စိုင်းဉာဏ်လင်းသန့် ဖြစ်ပြီး သူဟာစက်မှုလက်မှုသိပ္ပံ (မန္တလေး)ကျောင်းသားများသမဂ္ဂ ဒု ဥက္ကဌ အဖြစ်တာဝန်ယူထားသူဖြစ်ကြောင်းသိရပါတယ်။သူဟာ ဆန္ဒပြသပိတ်စစ်ကြောင်းများရှိစဥ်ကာလတည်းက အားတက်သရော လှုပ်ရှားခဲ့သူဖြစ်ပါတယ်။ယခုအခါမှာလည်း ပြည်သူ့ကာကွယ်ရေးအတွက် တိုက်ပွဲဝင်ရာမှ ရှေ့တန်းမှာကျဆုံးခဲ့ခြင်းဖြစ်ကြောင်းသိရပါတယ်။မြင့်မြတ်စွာကျဆုံးသွားတဲ့ စိုင်း ကို အမြဲဂုဏ်ယူနေကြစေရန် ဖော်ပြပေးလိုက်ရခြင်းဖြစ်ပါတယ်။
Bong I.T