မိုးသည်းထန်စွာရွာသွန်းခဲ့တဲ့အတွက် စက်တင်ဘာလ ၂၁ ရက်နေ့ နေ့လည် (၂း၅၀) ခန့်က ရှမ်းပြည်နယ်၊ လောက်ကိုင်-ချင်းရွှေဟော်လမ်း၊ မိုင်တိုင်အမှတ် (၁၇/၃)တွင် လောက်ကိုင်မြို့မှ မောင်းနှင်လာသော Mark II အဖြူရောင်ကားနဲ့ (၁၀) ဘီးကား ဝင်တိုက်မှုဖြစ်ပွားခဲ့တယ်လို့ သိရပါတယ်။
Mark II အဖြူရောင်ကားက မိုးရွာသွန်းမှုကြောင့် အရှိန်မထိန်းနိုင်ဘဲ စလစ်ဖြစ်သွားခဲ့ပြီး တစ်ဖက်ယာဉ်ကြောဖက်မှ မျက်နှာချင်းဆိုင် မောင်းနှင်လာသော (၁၀)ဘီးယာဉ်နှင့် ဝင်ရောက်တိုက်မိမှုဖြစ်ပွားခဲ့ကြောင်း သိရပါတယ်။
အခင်းဖြစ်ပွားရာနေရာကို လောက်ကိုင်ခရိုင်မီးသတ်စခန်းမှ မီးသတ်ယာဉ်(၁)စီး၊ သူနာတင်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်းပြီး သွားရောက်ကူညီ ဆောင်ရွက်ခဲ့တယ်လို့ မီးသတ်ဦးစီးဌာနက သိရပါတယ်။
ယာဉ်တိုက်မှုကြောင့် Mark II ကားပေါ်မှာပါလာတဲ့ ယာဉ်မောင်း ကျား(၁)ဦး၊ မ(၂)ဦး စုစုပေါင်း (၃)ဦးကတော့ အခင်းဖြစ်တဲ့နေရာမှာ သေဆုံးခဲ့ပြီး လောက်ကိုင်ခရိုင်ပြည်သူ့ဆေးရုံကို ပို့ဆောင်ထားတယ်လို့ သိရပါတယ်။
Source : Original Uploader