ရှစ်လကျော်ကြာမြင့်လာပြီဖြစ်တဲ့ တော်လှန်ရေးကာလရှည်ကြီးမှာ ပြည်သူအားလုံးရော PDF လူငယ်တွေရော အင်တိုက်အားတိုက်ကြိုးပမ်းနေကြတာဖြစ်ပါတယ်။ D Day ကြေငြာလိုက်သည့်နေ့ကစကာ တိုက်ပွဲတွေကလည်း ဆက်တိုက်ပြင်းထန်နေပြီး မြို့ပေါ်နေရာအနှံ့မှာလည်း ပေါက်ကွဲမှုတွေနဲ့ တာဝါတိုင်ဖောက်ခွဲမှုတွေဖြစ်ပေါ်နေကာ တိုင်းရင်းသားဒေသတွေမှာလည်း နေ့စဉ်မပြတ်တိုက်ပွဲတွေဆက်တိုက်ဖြစ်ပေါ်နေတာဖြစ်ပါတယ် ။
တစ်ဖက်ကလည်း ဖမ်းဆီးအရေးယူမှုတွေနဲ့ ပစ်ခတ်မှုတွေပိုမိုပြင်းထန်လာတာကြောင့် ၀ရမ်းထုတ်ခံထားရတဲ့ အနုပညာရှင်တွေအနေနဲ့လည်း လွတ်မြောက်နယ်မြေတွေမှာ သွားရောက်ခိုလှုံကြကာ PDFရဲဘော်တွေအနေနဲ့ပါခံယူထားကြတာကိုတွေ့ရပါတယ် ။ မင်းမော်ကွန်းမိသားစုအပါအ၀င် ဒါရိုက်တာသည်ခေတ်နေ၊ကိုပေါက်တို့ကလည်း စခန်းတစ်ခုတည်းမှာနေထိုင်ကြတာဖြစ်ပြီး PDFရဲဘော်ရဲဘက်တွေနဲ့အတူ ညီအစ်ကိုရင်းတွေပမာ ကူညီရိုင်းပင်းပြီးနေထိုင်နေကြတာကိုတွေ့ရပါတယ် ။
PDF စစ်ဗိုလ်တစ်ဦးကလည်း မကြာသေးမီက သူ့ရဲ့ Facebookစာမျက်နှာလေးမှာ "တော်လှန်ရေးကာလ တော်လှန်ရေးနယ်မြေမှာ တွေ့ဆုံကြသူတွေဟာ မြို့ပေါ်မှာထပ်ကို ပို၍သံယောဇဥ်ဖြစ် ပို၍ ချစ်ခင်ကြပါတယ်....ဒါ တကယ်လက်တွေ့ပါ....စစ်အာဏာရှင် စနစ်ကို မုန်းတီးလို့
တောထဲရောက်လာသူတွေ ဟာအရင်က မမြင်ဖူး မတွေ့ဖူး ပေမယ့်တစ်ဦးနဲ့တစ်ဦး ဖေးမကူညီရင်း
ညီရင်းအကိုလို အရမ်းချစ်ကြပါတယ်...." ဆိုပြီးရေးသားမျှဝေထားတာကို တွေ့ရပါတယ်။ ပြန်လည်ဖော်ပြပေးလိုက်ပါတယ်နော်။
သတင်း အရင်းအမြစ်៖ Ye Min's Facebook acc