မိုးသည်းထန်စွာရွာသွန်းမှုကြောင့် ကုန်တိုက်အတွင်းထဲအထိ ရေတွေကာရေကြီးရေလျှံမှုတွေဖြစ်နေတဲ့ နေပြည်တော်

မိုးသည်းထန်စွာရွာသွန်းမှုတွေကြောင့် ပြီးခဲ့တဲ့ စက်တင်ဘာ(၂၀)ရက်နေ့က နေပြည်တော်မှာ ကုန်တိုက်အတွင်းထဲအထိ ရေတွေဝင်ကာ ရေကြီးရေလျှံမှုတွေ ဖြစ်ပွားခဲ့တယ်လို့ သိရပါတယ်။ နေပြည်တော်၊ ဥတ္တရသီရိမြို့နယ်မှာရှိတဲ့  Ocean Supermarket ကုန်တိုက်အတွင်း ရေများဝင်ရောက်မှုဖြစ်ပွားခဲ့တာ ဖြစ်ပါတယ်။ 

လမ်းမပေါ်ရေကြီးမှုတွေရှိခဲ့တဲ့အပြင် ကုန်တိုက်တွေထဲအထိ ရေဝင်မှုတွေကြောင့် ဈေးဆိုင်တွေ အခက်ကြုံခဲ့ကြရပါတယ်။ ကုန်တိုက်အတွင်း ရေဝင်မှုတွေကြောင့် ဥတ္တရခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများနဲ့ ပူးပေါင်းပြီး သွားရောက်ကူညီဆောင်ရွက်ခဲ့တယ်လို့ သိရပါတယ်။ 

မိုးသည်းထန်စွာ ရွာသွန်းမှုတွေကြောင့် မြဝတီမြို့အပါအဝင် အခြားနေရာဒေသ တော်တော်များများမှာလည်း ရေလွှမ်းမိုးမှုတွေ ဖြစ်ပွားခဲ့ပြီး ရေဘေးဒုက္ခသည်တွေလည်း ရှိနေခဲ့ကြပါတယ်။ တချို့ဒေသတွေမှာ အခက်အခဲတွေကြုံတွေ့နေရတဲ့ ရေဘေးသင့်ပြည်သူတွေအတွက်လည်း ပြည်သူတွေကအချင်းချင်း ဖေးမကူညီခဲ့ကြတာလည်း တွေ့ရပါတယ်နော်။