ပြည်သူတွေအတွက် အသက်ကိုတောင်စွန့်ထားကြတဲ့ PDF ရဲဘော်တွေလည်း နယ်မြေအသီးသီးမှာ ဒုက္ခဆင်းရဲတွေကို တွေ့ကြုံနေရတာပဲဖြစ်ပါတယ်။PDF တွေကို နောက်ကွယ်ကနေ ထောက်ပံ့ကူညီနေကြတဲ့ ပြည်သူတွေကလည်း တတ်နိုင်သလောက်အားဖြည့်ပေးကြပြီး အသက်အန္တရာယ်ဘေးကင်းဖို့အတွက်လည်း ဆုတောင်းပေးနေကြတာဖြစ်ပါတယ်။အခုဆိုရင်တော့ PDF ရဲဘော်တစ်ဦးက ပဲခူးရိုးမဖြတ်လေးဖြတ်ကာလ၊ဗမာကွန်မြူနစ်ပါတီကရဲဘော်လေးအောင်နိုင်နဲ့တွေ့ဆုံပြီး စကားလက်ဆုံကျခဲ့ကြတာဖြစ်ပါတယ်။
ရဲဘော်လေးအောင်နိုင်က ဗိုလ်နေဝင်းတပ်ရဲ့ ဖြတ်တောက်ပိတ်ဆို့မှုတွေကို ရဲရဲရင့်ရင့်ဖောက်ထွက်ပြီး ကရင်ပြည်အထိလမ်းလျှောက်ချီတက်ခဲ့သူဖြစ်ပါတယ်။အခုချိန်မှာတော့ ရဲဘော်လေးအောင်နိုင်လည်း အသက်အရွယ်ကြီးရင့်နေပြီဖြစ်လို့ အဘိုးအောင်နိုင်လို့တောင်ပြောင်းခေါ်နေရပြီဖြစ်ပါတယ်။အဘိုးက PDF လူငယ်လေးကို "နင်ငါ့ကိုအလေးပြုတိုင်း ရိုးမပေါ်ကရဲဘော်တွေကို လွမ်းလိုက်တာကွယ်"ဆိုပြီး ပြောခဲ့တာဖြစ်ပါတယ်။
"ဒီတစ်ခါတော့ နိုင်အောင်တိုက်ပေးပါကွယ် အဘဇာတိသာယာဝတီကိုပြန်ပြီး ငါတို့ဖောက်ထွက်ခဲ့တဲ့ ရိုးမကြီးပေါ်တက်...ငါ့ရဲဘော်တွေကို သတိတရနဲ့ အလေးပြုချင်လို့ " ဆိုပြီးတော့လည်း PDF ရဲဘော်ကို တောင်းဆိုခဲ့သေးတာဖြစ်ပါတယ်။မျှော်လင့်ချက်တွေပြည့်ဝနေတဲ့အဘိုးရဲ့မျက်လုံးအိမ်ကိုကြည့်ပြီး PDF ရဲဘော်လေးလည်း အလေးပြုကာနှုတ်ဆက်ပြန်လာခဲ့တာဖြစ်ပါတယ်။PDF လူငယ်တွေလည်း ပြည်သူအားလုံးရဲ့မျှော်လင့်ချက်တွေပြည့်ဝဖို့အတွက် အစွမ်းကုန်ကြိုးစားနေကြကြောင်းကိုပြန်လည်မျှဝေပေးလိုက်ပါတယ်။
Source&Photo Credit:Original Uploder