မြန်မာနိုင်ငံတော်ဗဟိုဘဏ်က နိုင်ငံခြားငွေစျေးပြိုင်လေလံဖြင့် အမေရိကန်ဒေါ်လာ ၁၅ သန်းကို ပျမ်းမျှ ငွေလဲနှုန်း တစ်ဒေါ်လာကို ၁၇၅၀ ကျပ် သတ်မှတ်ပြီး စက်တင်ဘာ ၂၀ ရက်နေ့မှာ ထပ်မံထုတ်ရောင်းချခဲ့ပါတယ်။
စက်တင်ဘာလအတွင်း လက်ရှိချိန်ထိ သုံးကြိမ်ခွဲ ရောင်းချတာဖြစ်ပြီး၊ တစ်လအတွင်း ဗဟိုဘဏ်ရဲ့ နိုင်ငံခြားငွေရောင်းချမှုက စုစုပေါင်း အမေရိကန်ဒေါ်လာ ၃၈ သန်းခန့် ရှိနေပြီဖြစ်ပါတယ်။
ပြီးခဲ့တဲ့ စက်တင်ဘာ ၁၃ ရက်မှာ မြန်မာနိုင်ငံတော်ဗဟိုဘဏ်က နိုင်ငံခြားငွေစျေးပြိုင်လေလံဖြင့် ဒေါ်လာ ၁၅ သန်း၊ ၁၅ ရက်နေ့မှာ အမေရိကန်ဒေါ်လာ ၈ သန်း အား ရောင်းချခဲ့ပြီး ဖြစ်ပါတယ်။ သုံးကြိမ်လုံးမှာ လေလံအတွက် ပျမ်းမျှ ငွေလဲနှုန်းကို ၁၇၅၀ ကျပ် သတ်မှတ်ခဲ့ပါတယ်။
နိုင်ငံခြားငွေလဲကောင်တာများတွင် အမေရိကန်ဒေါ်လာ တစ်ဒေါ်လာ ကျပ် ၂၀၀၀ ဝန်းကျင်ဖြင့် စတင်ရောင်းချနေကြောင်း နိုင်ငံခြားငွေလဲ ကောင်တာများ ကြေညာထားချက်အရ သိရပါတယ်။
ကျန်ခဲ့တဲ့ သြဂုတ် ၂၅ ရက်တုန်းကလည်း မြန်မာနိုင်ငံတော် ဗဟိုဘဏ်က နိုင်ငံခြားငွေစျေးပြိုင်လေလံနဲ့ ဒေါ်လာငါးသန်း ထပ်မံရောင်းချခဲ့ပြီး သြဂုတ်လအတွင်း ခုနစ်ကြိမ်ခွဲ၍ ဒေါ်လာ ၂၈ သန်းအထိ ရောင်းချထားကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ထားသည့် စာရင်းများအရ သိရပါတယ်။
Source : Original Uploader