တောကြက်ဥတွေရောင်းနေရတဲ့အဘကို ဘေးလူတွေပါဝမ်းသာအားရဖြစ်အောင် ကူညီပေးခဲ့တဲ့ ပြည်သူတစ်ဦး

မရှိနွမ်းပါးသူတွေကိုအမြဲလိုလိုကူညီပေးနေတဲ့ ပရဟိတအကျိူးတော်ဆောင်ကိုပူတူးဟာ ဒီနေ့မှာလည်း စျေးထဲမှာတောကြက်ဥတွေရောင်းနေရတဲ့ အဘအတွက် တောကြက်ဥတွေအားလုံးဝယ်ပြီးတဲ့အပြင် ငွေကျပ်ငါးသောင်းလည်း ကူညီပေးခဲ့ပါတယ်။ အခုလိုအကျပ်အတည်းကာလမှာ ငွေတစ်ထောင်ကအစအရေးကြီးတာမို့ ဒီလိုကူညီပေးတဲ့အပေါ် အဘကလည်း အရမ်းပျော်ရွှင်နေခဲ့ပါတယ်။

ကိုယ်တိုင်လည်းလေဖြတ်ထားသလို နေမကောင်းတဲ့ ဇနီးဖြစ်သူအတွက်လည်း ဆေးဝယ်နိုင်တော့မှာမို့ အရမ်းဝမ်းသာတဲ့အကြောင်း ပြောပြသွားခဲ့ပါသေးတယ်။ ကိုပူတူးရဲ့အလှုအတွက် အဘဘေးမှာရှိတဲ့ အမျိုးသမီးတစ်ယောက်ကလည်း ဝမ်းသာအားရနဲ့ အဘအတွက်ပျော်နေတဲ့အကြောင်း ကိုပူတူးက ပြောခဲ့ပါသေးတယ်။

တစ်နေ့လုံး နေရာစုံသွားပြီးရောင်းနေပေမယ့် အဆင်မပြေတဲ့အဘဟာ ကိုပူတူးကြောင့် အခက်အခဲတွေပြေလည်သွားခဲ့ပြီး ပျော်ပျော်ရွှင်ရွှင်အိမ်ပြန်သွားနိုင်ခဲ့တာ ကျေနပ်စရာပါ။ ဆင်းရဲနွမ်းပါးသူတွေကို အခုလိုကူညီပေးတဲ့ကိုပူတူးကိုလည်း ပြည်သူတွေက ကျေးဇူးတင်စကားတွေကို မှတ်ချက်ပေးခဲ့ကြပါတယ်။

သတင်း အရင်းအမြစ်៖ ArrPuu Tuu's FB Acc