လူထုဘက်က တစ်သားတည်းရပ်တည်ပြီး ဆန္ဒထုတ်ဖော်ခဲ့ကြတဲ့ ဘုရားသားတော်များ

(၂၀၂၁) ခုနှစ်၊ဖေဖော်ဝါရီ(၁)ရက်နေ့မှစလို့ မြန်မာနိုင်ငံဟာ စစ်ကောင်စီရဲ့ အာဏာထိန်းချုပ်မှုအောက်ကို ရောက်ရှိခဲ့ပါတယ်။ပြည်သူတွေဟာလည်း ဖေဖော်ဝါရီ(၄)ရက်မှစလို့ လူနည်းစုမှသည် တစ်တိုင်းပြည်လုံးအတိုင်းအတာအထိ ဆန္ဒထုတ်ဖော်ပြသခဲ့ကြပါတယ်။ပြည်လုံးကျွတ်သပိတ်တွေလည်းများစွာပြုလုပ်ခဲ့ကြပါတယ်။

သပိတ်စစ်ကြောင်းတွေကို ရဟန်းရှင်လူပြည်သူအကုန်လုံးက တက်ကြွစွာပါဝင်လှုပ်ရှားခဲ့ကြပါတယ်။မတ်လ၊ဧပရယ်လနဲ့ မေလများမှာတော့ ဆန္ဒပြသပိတ်စစ်ကြောင်းတွေ အပြင်းအထန်ဖြိုခွဲခံခဲ့ကြရပါတယ်။ခုဆို အာဏာထိန်းချုပ်ခံရတာဟာ ရက်ပေါင်း(၂၃၀)တိတိပြည့်ပြီဖြစ်ပါတယ်။မေလနောက်ပိုင်းမှ စလို့ ပြည်သူအချို့ဟာ သွေးမအေးနေအောင် သတိပေးတဲ့အနေနဲ့ ပျောက်ကျားသပိတ်ကိုသာ ပြုလုပ်လာကြပါတော့တယ်။ထို ပျောက်ကျားသပိတ်များတွင် ကျောင်းသားလူငယ်များသာမက ယခုဆို ဘုရားသားတော် သံဃာတော်တွေပါ ပါလာခဲ့ကြပြီဖြစ်ပါတယ်။

ယမန်နေ့ စက်တင်ဘာ(၁၇)ရက်နေ့ကလည်း သံဃသမဂ္ဂမှ သံဃာတော်များစုဝေးကာ "စစ်ကျွန်မခံ တို့တော်လှန် ပြည်သူ့တိုက်ပွဲ တို့ဆင်နွှဲ"ဆိုတဲ့ကြွေးကြော်သံနဲ့အတူ ပြည်သူဘက်က တစ်သားတည်းရပ်တည်ခဲ့ကြပါတယ်။ဒါ့အပြင် သံဃာတော်တွေက သူတို့အနေနဲ့ အေးအေးဆေးဆေးငြိမ်းငြိမ်းချမ်းချမ်းနဲ့ တောင်းဆိုခဲ့ပြီးကြောင်း၊ မရရတဲ့နည်းနဲ့ ပန်းတိုင်အဆုံးထိရောက်အောင်လျှောက်မယ်ဆိုတဲ့အကြောင်းလည်း​မိန့်ကြားခဲ့ပါတယ်။သံဃာတော်တွေရဲ့ ရဲဝင့်ပြတ်သားစွာ ဆန္ဒထုတ်ဖော်နေကြပုံတွေကို ဖော်ပြပေးလိုက်ရပါတယ်။