အဆိုတော်ရွှေရည်သိန်းတန်ကတော့ ပြီးခဲ့တဲ့ လပိုင်းတွေကမှ ကိုဗစ်ကပ်ရောဂါဆိုးကြီးကြောင့် ခင်ပွန်းဖြစ်သူ ဆုံးရှုံးထားရပြီး လက်ရှိအချိန်တွေမှာ အကောင်းဆုံးပြန်လည်ရပ်တည်နေသူပဲ ဖြစ်ပါတယ်။ ကြီးမားတဲ့ဆုံးရှုံးမှုတွေကို ရင်ဆိုင်ဖြတ်ကျော်နေရတဲ့ ရွှေရည်သိန်းတန်ကတော့ ခင်ပွန်းဖြစ်သူကောင်းရာသုဂတိလားစေဖို့ကိုလည်း ရည်စူးကုသိုလ်တွေ ပြုလုပ်ပေးနေသူပါ။
လှူဒါန်းမှုတစ်ခုလုပ်ပြီးတိုင်း လုပ်ပြီးတိုင်းမှာ အမျှပေးဝေတတ်သလို ဒီကနေ့မှာလည်း ကွယ်လွန်သူ ဘုရားတကာကြီးခင်ပွန်းဖြစ်သူ ကိုယ်စား လှူဒါန်းမှုတွေ ဆက်တိုက်ပြုလုပ်နေပြန်ပါတယ်။ လှိုင်သာရွာစေတီတော်ကြီးမှာ အဘအောင်မင်းခေါင်အဖေကြီးဓာတ်နန်းတည်ဖို့ အလှူငွေ (၁၀)သိန်း မတည်လှူဒါန်းခဲ့တာဖြစ်ပြီး သူပြုသမျှကုသိုလ်တွေ ထပ်တူရစေဖို့ကိုလည်း အမျှပေးဝေဆုတောင်းထားပါသေးတယ်။
သူမပြုတဲ့ကုသိုလ်တိုင်းဟာ သူမရဲ့စီးပွားရေးမှာ အားပေးနေကြတဲ့ customer တယောက်ချင်းစီရဲ့ကုသိုလ်တွေလည်းပါတာမို့ ကုသိုလ်အစုစု ကို ထပ်တူရစေဖို့ကိုလည်း ဝေမျှဆုတောင်းထားတာလည်း တွေ့ရပါတယ်။ ရွှေရည်သိန်းတန်ရဲ့ ကုသိုလ်အလှူလေးတွေကို ပရိသတ်တွေကလည်း ဝမ်းသာအားရသာဓုခေါ် ကာ ပြန်လည်ဆုတောင်းပေးထားကြပါတယ်နော်။
သတင်း အရင်းအမြစ်៖ Shwe Yee Thein Than's Fb Acc