ချစ်စရာကောင်းတဲ့ သားအမွှာလေးနှစ်ယောက်နဲ့အတူ အများကအားကျရတဲ့ မိသားစုဘဝလေးကို ပိုင်ဆိုင်ထားတဲ့ ထိုင်းမင်းသမီးချော Chompoo Araya

ထိုင်းနိုင်ငံမှာ အောင်မြင်ကျော်ကြားဆုံး မင်းသမီးတစ်လက်ဖြစ်တဲ့ Chompoo Araya ကတော့ ပြီးပြည့်စုံတဲ့ မိသားစုဘဝလေးကို ပိုင်ဆိုင်ထားသူ ဖြစ်ပါတယ် ။ (၂၀၁၅)ခုနှစ်မှာ ခင်ပွန်းဖြစ်သူနဲ့ လက်ထပ်ခဲ့တဲ့ Chompoo က (၂၀၁၇)ခုနှစ်မှာတော့ အရမ်းချစ်စရာကောင်းတဲ့ သားအမွှာလေးနှစ်ယောက်ကို မွေးဖွားခဲ့တာ ဖြစ်ပါတယ် ။ Chompoo ရဲ့သားလေးတွေကတော့ Bhayu Rangsisingpipat နဲ့ Saifah Rangsisingpipat တို့ပဲ ဖြစ်ကြပါတယ်။

Chompoo သားလေးတွေရဲ့နာမည်က Storm (မုန်တိုင်း) နဲ့ Thunder (မိုးကြိုး) ဆိုပြီး အဓိပ္ပာယ်ရတာဖြစ်ပါတယ် ။ Chompoo ရဲ့ခင်ပွန်းကတော့ ကြွယ်ဝချမ်းသာတဲ့ သူဌေးတစ်ယောက်ဖြစ်သလို သူမနဲ့မိသားစုအပေါ်မှာလည်း အရမ်းဂရုစိုက်ပြီး ကြင်နာတတ်သူ ဖြစ်ပါတယ် ။ သားနှစ်ယောက်ရဲ့မိခင်ဖြစ်တဲ့ Chompoo ကလည်း အသက် (၄၀)နှစ်ပြည့်သွားပြီဖြစ်ပေမယ့် အခုချိန်အထိ အရွယ်တင်နုပျိုပြီး လှသွေးကြွယ်နေဆဲ ဖြစ်ပါတယ် ။

Chompoo က သူမတို့မိသားစုရဲ့လှုပ်ရှားမှုလေးတွေကို အမြဲလိုလို Social Media ထက်မှာ မျှဝေပေးလေ့ရှိတာ ဖြစ်ပါတယ်။ အမြဲတမ်းဖက်ရှင်ကျကျ လှနေတတ်တဲ့ Chompoo က သားလေးတွေကိုပါ သူမနဲ့ဆင်တူ အမိုက်စားဖက်ရှင်လေးတွေ ဆင်ပေးတတ်ပါသေးတယ်။ Chompoo တို့မိသားစုလေးရဲ့ပုံရိပ်တွေကိုကြည့်ပြီး ပရိသတ်တွေအားလုံးကလည်း အမြဲအားကျနေရတာ ဖြစ်ပါတယ် ။ သားအမွှာလေးနှစ်ယောက်နဲ့အတူ ပျော်ရွှင်စရာမိသားစုဘဝလေးကို တည်ဆောက်ထားတဲ့ ထိုင်းမင်းသမီးချော Chompoo Araya ရဲ့ပုံရိပ်တွေကို ပြန်လည်ဖော်ပြပေးလိုက်ပါတယ်။

Source & Photo Credit-Chompoo Araya's IG Acc