သာယာအေးချမ်းပြီး လှပတဲ့နေရာလေးတွေကို ခရီးထွက်ချင်တဲ့သူတွေအတွက် နယ်သာလန်နိုင်ငံက ရွာလေးတစ်ရွာအကြောင်းကို ဖော်ပြပေးချင်ပါတယ်။
ဒီရွာလေးနဲ့ နာမည်ကတော့ Giethoorn Village ဖြစ်ပြီး နယ်သာလန်နိုင်ငံရဲ့ အရှေ့မြောက်ဘက်မှာ တည်ရှိပါတယ်။
ဒီရွာလေးကို ဝင်လိုက်တာနဲ့ အေးချမ်းသာယာတဲ့ အငွေ့အသက်လေးကို ခံစားရမှာ ဖြစ်ပြီး လှပတဲ့ရှုခင်းတွေနဲ့ သာယာတဲ့ပတ်ဝန်းကျင်မှာ အေးအေးဆေးဆေးအပန်းဖြေချင်တဲ့သူတွေအတွက်တော့ တကယ့်ကို အဆင်ပြေတဲ့ ရွာလေးတစ်ရွာပါပဲ။
ရွာထဲကိုလည်မယ်ဆိုရင်တော့ ကုန်းလမ်းနဲ့ ရေလမ်းနှစ်ခုရှိပြီး လူအများစုကတော့ ရေထဲကနေ လှေကလေးစီးပြီး လည်ပတ်ကြသလို ဒီလိုလှေလေးစီးပြီး လည်ပတ်ရတာကိုက ဒီရွာရဲ့ ထူးခြားချက်တစ်ခုလို ဖြစ်နေတာပဲ ဖြစ်ပါတယ်။
ဒါ့အပြင် ဒီရွာမှာဆောက်ထားတဲ့ အိမ်ပုံစံလေးတွေကလည်း တစ်မျိုးလေးလှပလှသလို စိမ်းလန်းစိုပြည်တဲ့ သစ်ပင်လေးတွေကို မြင်ရတာကလည်း စိတ်ကိုအေးချမ်းစေပါတယ်။
ဒီရွာလေးထဲမှာ ရှုခင်းလှလှလေးတွေမြင်တွေ့နိုင်တဲ့ ကြယ်သုံးပွင့် ဟိုတယ်လေးတွေရှိပြီး တစ်နှစ်ကို လူတစ်သန်းလောက် လာရောက်လည်ပတ်ကြတယ်လို့ သိရပါတယ်။
ဒီရွာလေးဟာ ချစ်ရသူနဲ့အတူ နှစ်ယောက်ထဲ လှေကလေးစီးပြီး ရိုမန့်တစ်ဆန်ဆန်လည်ပတ်လို့ကောင်းတဲ့ ရွာကလေးတစ်ရွာလည်း ဖြစ်တာကြောင့် နယ်သာလန်ကိုရောက်ဖြစ်ရင် ဒီရွာလေးကို သွားလည်ကြည့်ကြပါဦးနော်....
သတင်း အရင်းအမြစ်៖ Wikipedia