ကမ္ဘာပေါ်မှာ အအေးချမ်းဆုံးဟာမေတ္တာတရားဖြစ်ပြီး အပြန်အလှန်အထားရှိသင့်ဆုံးဟာလည်း မေတ္တာပါပဲ။ အိမ်မွေးတိရိစ္ဆာန်ပေါင်းစုံကို ဈေးကြီးပေးပြီးဝယ်ကြသူတွေရှိသလို လမ်းမပေါ်က လေလွင့်ခွေးလေးတွေကိုလည်း မေတ္တာထားပြီးချစ်ပေးကြသူတွေရှိပါတယ်။ ဒီနေ့မှာတော့ ရိုမေနီးယားလိဂ်အဖွဲ့မှ ဘောလုံးကစားသမားတွေဟာ လူသားအဆန်ဆုံးလုပ်ရပ်တစ်ခုကို လုပ်ခဲ့ကြပါတယ်။
လမ်းဘေးကခွေးလေးတွေကို ကိုယ်စီချီလာခဲ့ပြီး ကွင်းထဲအရောက်မှာတော့ ပရိသတ်တွေကို ခွေးလေးတွေပြပြီး မွေးစားပေးဖို့ သခင်ရအောင်ဖန်တိးပေးခဲ့ကြပါတယ်။ ခွေးလေးတွေကို ချစ်ခင်ကြသူတွေဟာလည်း ခေါ်ယူမွေးစားခဲ့ပြီး ခိုကိုးရာမဲ့ခွေးလေးတွေလည်း သခင်အသစ်နဲ့ ပျော်ရွှင်သွားရပါတယ်။ စိတ်ကူးလေးလည်းကောင်းသလို ဘဝတစ်ခုကိုလည်း အကောင်းဆုံးဖြစ်အောင် ဖန်တီးပေးလိုက်တာမို့ တကယ်ကိုလေးစားစရာကောင်းတဲ့ လုပ်ရပ်တစ်ခုပါပဲ။
ခွေးလေးတွေဟာလည်း အရမ်းကိုချစ်ဖို့ကောင်းပြီး သခင်အသစ်ရဖို့အတွက် အတော်လေး စိတ်လှုပ်ရှားနေခဲ့ပါတယ်။ ချစ်စရာခွေးလေးတွေကိုကိုင်ပြီး ကွင်းထဲဝင်လာတဲ့ ဘောလုံးသမားတွေရဲ့ စိတ်ဓာတ်နဲ့လုပ်ရပ်ကတော့ မချီးကျူးဘဲမနေနိုင်လောက်အောင်ပါပဲ။ ဒီလုပ်ရပ်လေးဟာ အတော်လေးကိုပြောစမှတ်ဖြစ်သွားခဲ့ပြီး အခုလိုစိတ်ကူးစိတ်သန်းကောင်းတဲ့ ကစားသမားတွေကို အားလုံးကလည်း ချီးကျူးနေခဲ့ပါတယ်။
သတင်း အရင်းအမြစ်៖ Min Htet Aung's FB Acc