ခုခေတ်မှာ လူတွေဟာ အိမ်မွေးတိရစ္ဆာန်တွေကို သူငယ်ချင်းအဖော်အနေနဲ့ အိမ်မှာ မွေးမြူလေ့ရှိကြပါတယ်။ယခုနောက်ပိုင်းမှာဆိုရင် အိမ်မွေးတိရစ္ဆာန်တွေအနေနဲ့ ခွေး၊ကြောင်၊ကြွက်၊မြွေ အစရှိတဲ့သတ္တဝါများစွာကို မွေးမြူလာကြပါတယ်။
အိမ်မွေးတိရစ္ဆာန်လေးတွေဟာ သခင်တွေအပေါ် အလွန်သစ္စာရှိကြသလို အလွန်လည်းသံယောဇဥ်တွယ်တတ်ကြတာကြောင့် သခင်တွေရဲ့ ချစ်ခြင်းမေတ္တာအပြည့်အဝလိုအပ်ကြပါတယ်။အထူးသဖြင့် သူတို့ သခင်တွေဟာ သူတို့ကိုခွဲသွားမယ့်အချိန်တွေမှာဆို ရင်ကွဲနာကျကာ အသက်ဆုံးရှုံးတဲ့အထိပါ ခံစားတတ်ကြတဲ့ သတ္တဝါလေးတွေဖြစ်ပါတယ်။ဒီလို တိရစ္ဆာန်လေးတွေကို သခင်တွေအနေနဲ့ ပိုမိုချစ်ခင်ပြီး ဂရုစိုက်ပေးဖို့လိုအပ်ပါတယ်။
ယခုနောက်ပိုင်းမှာ စုံတွဲတွေဟာ သူတို့ရဲ့ မင်္ဂလာပွဲတွေမှာ သူတို့ရဲ့ အိမ်မွေးတိရစ္ဆာန်လေးတွေနဲ့ အတူတူ အမှတ်တရတွေ ဖန်တီးလေ့ရှိကြပါတယ်။ယခုပုံတွေဟာဆိုရင် အမေရိကန်နိုင်ငံ၊ဖလော်ရီဒါပြည်နယ်က စုံတွဲတစ်တွဲရဲ့ မင်္ဂလာဆောင်ပွဲပဲဖြစ်ပါတယ်။သူတို့ဟာ သူတို့ရဲ့ အိမ်မွေးခွေးလေးနဲ့ပါ အတူတူဓာတ်ပုံရိုက်ပြီး အမှတ်တရများစွာကိုဖန်တီးခဲ့တာဖြစ်ပါတယ်။အလွန်ချစ်စရာကောင်းတဲ့ပုံလေးတွေကို ကြည့်ရှုခံစားကြပါဦးရှင်။