အနုပညာလောကမှာ အောင်မြင်တဲ့ သရုပ်ဆောင်တစ်ယောက်ဖြစ်တဲ့ ထူးခန့်ကျော်က လက်ရှိမှာတော့ ပြည်သူတွေကို ဆေးကုသပေးနေတာ ဖြစ်ပါတယ် ။ ထူးခန့်ကျော်က သူတတ်ကျွမ်းတဲ့ တိုင်းရင်းဆေးပညာနဲ့ လေဖြတ်နေတဲ့သူတွေ၊ ကိုယ်လက်မလှုပ်ရှားနိုင်၊ မမြှောက်နိုင်ဖြစ်နေတဲ့သူတွေကို ကုသပေးနေတာ ဖြစ်ပါတယ် ။ သူကိုယ်တိုင်ကုသပေးလိုက်လို့ ပျောက်ကင်းသက်သာသွားတဲ့ ပြည်သူတွေအတွက်လည်း ထူးခန့်ကျော်က ဝမ်းသာနေတာ ဖြစ်ပါတယ် ။
အခုလည်း ထူးခန့်ကျော်က သူ့ဆီမှာ ယုံယုံကြည်ကြည်နဲ့ ဆေးလာကုတဲ့ သရုပ်ဆောင်ယွန်းရွှေရည်ရဲ့အကြောင်းကို ပြောပြထားတာ ဖြစ်ပါတယ် ။ ယွန်းရွှေရည်က သူမရဲ့ကျီးပေါင်းဝေဒနာကို ထူးခန့်ကျော်ဆီမှာ လာရောက်ပြသပြီး ကုသမှုခံယူခဲ့တာပဲ ဖြစ်ပါတယ် ။ ဒါကြောင့် ထူးခန့်ကျော်က သူတတ်ကျွမ်းထားတဲ့ ဆေးပညာနဲ့ ယွန်းရွှေရည်ရဲ့ကျီးပေါင်းဝေဒနာကို သက်သာအောင် ကုသပေးနိုင်ခဲ့တာ ဖြစ်ပါတယ် ။
ဒီအကြောင်းကို ထူးခန့်ကျော်က သူ့ရဲ့လူမှုကွန်ယက်စာမျက်နှာထက်မှာ ရေးသားဖော်ပြထားတာကို တွေ့ရတာပဲ ဖြစ်ပါတယ်။ ထူးခန့်ကျော်က ယွန်းရွှေရည်ကို အထူးကျေးဇူးတင်ကြောင်း ပြောထားတဲ့အပြင် အခုလိုမျိုး ပါရမီဖြည့်ကုသပေးခဲ့ရတဲ့အတွက် အင်မတန်ပီတိဖြစ်မိကြောင်း ပြောထားပါသေးတယ်။ ယွန်းရွှေရည်ရဲ့ရောဂါဝေဒနာတွေ အမြန်ဆုံး သက်သာပျောက်ကင်းစေဖို့ မေတ္တာပို့ဆုမွန်ကောင်းတောင်းပေးထားတဲ့ ထူးခန့်ကျော်ရဲ့ပုံရိပ်တွေကိုလည်း ပြန်လည်ဖော်ပြပေးလိုက်ပါတယ်။
Source & Photo Credit-Htoo Khant Kyaw's FB Acc