ဖေဖော်ဝါရီလအစ မှာ မြန်မာပြည်ဟာ အာဏာထိန်းချုပ်မှုကို ခံခဲ့ရပါတယ်။ဒါကြောင့် ဒီဖြစ်စဥ်ကို လက်မခံနိုင်တဲ့ပြည်သူတွေရဲ့ ခံစားချက်တွေဟာ ပွင့်ထွက်လာခဲ့ကြတာကြောင့် ဖေဖော်ဝါရီ (၄) ရက်နဲ့ (၆) ရက်နေ့များမှာ သပိတ်စစ်ကြောင်းတွေ စတင်ထွက်ပေါ်လာခဲ့ကြပါတယ်။ထိုမှစလို့ အရှိန်အဟုန်ပြင်းပြင်းနဲ့ သပိတ်စစ်ကြောင်းတွေဟာ အင်မတန်အားကောင်းလာခဲ့ကြပါတယ်။
သပိတ်စစ်ကြောင်းတွေမှာဆိုရင် ကျောင်းသားပြည်သူလူထုမှစလို့ ရဟန်းသံဃာတော်တွေပါမကျန် ဆန္ဒထုတ်ဖော်ခဲ့ကြတာဖြစ်ပါတယ်။သို့ပေမယ့် မတ်၊ ဧပရယ် နဲ့ မေလပိုင်းတွေမှာတော့ သပိတ်စစ်ကြောင်းတွေဟာ အပြင်းအထန်ခွဲခံရတာတွေကြောင့် နောက်ပိုင်းတွေမှာ သပိတ်တွေအားနည်းလာခဲ့ပါတယ်။သို့ပေမယ့်လည်း ပြည်သူကိုသွေးမအေးနေစေရန် ကျောင်းသားလူငယ်များက အခွင့်သာရင်သာသလို ပြောက်ကျားသပိတ်စစ်ကြောင်းတွေ ပြုလုပ်ခဲ့ကြပါတယ်။
ယနေ့ စက်တင်ဘာ(၁၆)ရက်နေ့မနက်မှာလည်း လူငယ်များ စုဝေးကာ "ဘာသာလူမျိုးမခွဲခြား မြန်မာနိုင်ငံသား"ဟုကြွေးကြော်ကာ ဆန္ဒပြချီတက်ခဲ့ကြပါတယ်။ဒီသပိတ်ရဲ့အဓိကရည်ရွယ်ချက်ကတော့ ဒီနိုင်ငံရေးမှာ လူမျိုးဘာသာမရွေး စည်းလုံးညီညွတ်ရိုင်းပင်းကြတယ်ဆိုတဲ့ ရည်ရွယ်ချက်ကိုပြသချင်တာပဲဖြစ်ပါတယ်။
Bong I.T