ကိုရင်လေးကိုသေဆုံးတဲ့အထိရိုက်နှက်ခဲ့တဲ့ဦးဇင်းကို ယခုချိန်ထိအရေးမယူသေးတာကြောင့် ဒေါသထွက်နေကြတဲ့ ပြည်သူများ

ပြီးခဲ့တဲ့ ရက်ပိုင်းက ရှမ်းပြည်တောင်ပိုင်း ကျေးသီးမြို့နယ်၊ မိုင်ကောင်းကျေးရွာမှာ ကိုရင်လေးတစ်ပါး ညနွားနို့သောက်မှုကြောင့် ရိုက်နှက်ဆုံးမခံခဲ့ရပြီး ဒဏ်ရာတွေကြောင့် ပျံလွန်တော်မူသွားခဲ့ပါတယ်။ ပျံလွန်တော်မူသွားတဲ့ ကိုရင်လေးသေဆုံးမှုနဲ့ပတ်သက်ပြီး ရိုက်နှက်ဆုံးမခဲ့တဲ့ ဦးဇင်းကတော့ အရေးယူဆောင်ရွက်ခံရခြင်း မရှိဘူးလို့ သိရပါတယ်။ 

ကိုရင်လေး သေဆုံးမှုကိစ္စမှာ နှစ်ဦးနှစ်ဖက်ဖြေရှင်းနေကြပြီး ကျေအေးသွားပြီဖြစ်တာကြောင့် ကိုရင်လေးကို ရိုက်ခဲ့တဲ့ ဦးဇင်းကို အရေးမယူတော့တာဖြစ်တယ်လို့ သိရပါတယ်။ ကိုရင်းလေးကို ရိုက်ပြီးဆုံးမခြင်းမျိုး ထပ်မံ မဖြစ်စေဖို့အတွက် ဦးဇင်းကို ဆုံးမထားကြောင်း၊ ဘုရားဝိနည်းအရ စေတနာနဲ့ ရိုက်နှက်သဖြင့် ပြစ်မှားမှုမရှိတာကြောင့် အရေးယူသွားမှာမဟုတ်ဘူးလို့ ကျေးသီမြို့နယ် သံဃာနယက တစ်ဦးက ဆိုပါတယ်။

လွန်ခဲ့တဲ့ရက်ပိုင်းက မိုင်ကောင်းကျေးရွာရှိ ဘုန်းကြီးကျောင်းမှာ ကိုရင်လေးသေဆုံးသွားရတဲ့ကိစ္စနဲ့ ပတ်သတ်ပြီး မည်ကဲ့သို့ အပြစ်ပေးသင့်ကြောင်း အစည်းအဝေး ပြုလုပ်ခဲ့ကြတာ ဖြစ်ပါတယ်။ ပြည်သူတွေကတော့ ပျံလွန်တော်မူသွားရှာတဲ့ ကိုရင်လေးအတွက် ဝမ်းနည်းမဆုံးဖြစ်ရသလို ရိုက်နှက်ဆုံးမခဲ့တဲ့ ဦးဇင်းကိုလည်း တာဝန်ယူမှုတွေ ရှိစေချင်တဲ့အကြောင်းတွေ ပြောထားကြတာ တွေ့ရပါတယ်။