Trinidad နဲ့ Tobago ရဲ့ကျန်းမာရေး ၀န်ကြီးဟာ Rapid Nicki Minaj ရဲ့ ပြောဆိုမှုေတွကို ပယ်ချခဲ့ပါတယ်။ သူမပြောခဲ့တာကတော့ ဝမ်းကွဲရဲ့သူငယ်ချင်းတစ်ဦးဟာ Covid-19 ကာကွယ်ဆေးကို ထိုးခဲ့ပြီးနောက် ခွန်အားမရှိကြောင်း ပြောကြားခဲ့တာပဲဖြစ်ပါတယ်။ ကာရစ်ဘီယံနိုင်ငံမှ ကျန်းမာရေးအရာရှိများကလည်း မည်သည့်လူနာမှ ဒီဘေးထွက်ဆိုးကျိုးများကို တင်ပြခဲ့တဲ့ အထောက်အထားမတွေ့ပါဘူးလို့ ပြောကြားပါတယ်။
၀န်ကြီး Terrence Deyalsingh ဟာလည်း ဗုဒ္ဓဟူးနေ့က သတင်းစာရှင်းလင်းပွဲမှာ သူတို့အနေနဲ့ ဒီလိုဘေးထွက်ဆိုးကျိုးတွေ မရှိကြောင်း ပြောခဲ့ပါတယ်။ Deyalsingh ဟာ Nicki ရဲ့ ပြောဆိုမှုကြောင့် သူတို့အနေနဲ့လည်း သေသေချာချာ အလေးအနက်ထားပြီး ဆေးရဲ့ ဆိုးကျိုးတွေကိုရှာခဲ့ကြပါတယ်။ " စိတ်မကောင်းစွာပဲ ကျွန်တော်တို့တွေ ဒီမှားယွင်းစွပ်စွဲမှုကြောင့် အချိန်တော်တော်များများ ဖြုန်းခဲ့မိပါတယ် " ဆိုပြီး သူဟာ ပြောခဲ့ပါတယ်။
Nicki ဟာ " Trinidad မှာရှိတဲ့ ငါ့၀မ်းကွဲအစ်ကုိက ကာကွယ်ဆေးထိုးမှာမဟုတ်ပါဘူး ဘာလို့လဲဆို သူ့ရဲ့သူငယ်ချင်းက ကာကွယ်ဆေးထိုးပြီးနောက် ပိုအားနည်းလာလို့ပါပဲ၊ သူရဲ့ဝှေးစေ့များကရောင်ရမ်းလာပါတယ်၊ သူရဲ့ သူငယ်ချင်းဟာ လက်ထပ်ဖို့ သိပ်မလိုတော့ပါဘူး၊ ဒါပေမယ့်ခု ကောင်မလေးဘက်က မင်္ဂလာဆောင် ကိုဖျက်လိုက်ပါပြီ " ဆိုပြီး Tweet ခဲ့ပါတယ်။ Nicki ရဲ့ဒီလို ပြောဆိုမှုကြောင့် ကျန်းမာရေးဆိုင်ရာ လူများက ခုလို မဟုတ်တာတေွ မပြောသင့်ကြောင်း ရှက်သင့်ကြောင်း စသဖြင့် ပြောဆိုနေကြပါတယ်။
စက်တင်ဘာ ၁၆ရက်နေ့မှာတော့ Nicki Minaj ကိုအိမ်ဖြူတော်မှာ Covid-19 ကာကွယ်ဆေးအကြောင်း ဆွေးနွေးဖို့ဖိတ်ကြားခံရပါတယ်။ သူမအနေနဲ့ ကာကွယ်ဆေး အပေါ်သံသယ၀င်နေတာကြောင့် သူမရဲ့ စိုးရိမ်မှုများကိုအမေရိကန်အစိုးရမှ တာဝန်ရှိသူများနှင့်ဆွေးနွေးရန်ဖိတ်ကြားခံရတာပဲဖြစ်ပါတယ်။ အိမ်ဖြူတော်ကသူမကိုဖိတ်တာ မှန်ကန်တဲ့ ဆုံးဖြတ်ချက်ဖြစ်ပြီး သူမအနေနဲ့လည်းသွားမည်ဖြစ်ကြောင်း အပန်းရောင်ကိုလည်း ၀တ်ဆင်သွားမည်ဖြစ်ကြောင်းစသဖြင့် Twitter မှာ ရေးတင်ခဲ့ပါတယ်။
သတင်း အရင်းအမြစ်៖ Asiaone