မြန်မာပရိသတ်တွေရဲ့အားပေးမှုကို အခိုင်အမာရရှိထားတဲ့ MasterChef America Season 11 ပြိုင်ပွဲဝင် စု ဟာ နောက်ဆုံးဖိုင်နယ်အဆင့်ကို တက်လှမ်းသွားခဲ့တဲ့ ပထမဆုံးမြန်မာအမျိုးသမီးတစ်ဦးဖြစ်ပါတယ် ။ မြန်မာအမျိုးသမီးလေးစုဟာ Winner ဆုနဲ့လက်တကမ်းအလိုကိုရောက်ရှိခဲ့ပေမယ့် အဆုံးသတ်မှာတော့ ကယ်လ်ဆေးက ပြိုင်ပွဲ၀င်နှစ်ဦးကိုကျော်ဖြတ်ပြီး Winner ဆုကိုရရှိသွားခဲ့တာပဲ ဖြစ်ပါတယ်......။
Winner ရရှိသွားတဲ့ကယ်လ်ဆေးဟာ MasterChef ဆုဖလား၊ ဆုကြေး အမေရိကန်ဒေါ်လာ နှစ်သိန်းခွဲနဲ့ MasterChef ဂုဏ်ထူးဆောင်ဘွဲ့တို့ကို ရရှိသွားခဲ့တာပါ။ MasterChef season 11 ဖိုင်နယ်ပြိုင်ပွဲဟာလည်း အမျိုးသမီး စားဖိုမှူးသုံးယောက်ဖိုင်နယ်တက်ခွင့်ရတဲ့ ပထမဆုံးဖိုင်နယ်ပွဲအဖြစ် မှတ်တမ်း၀င်သွားခဲ့တာလည်း ဖြစ်ပါတယ်။
MasterChef (season 11) ပြိုင်ပွဲမှာ မြန်မာအမျိုးသမီးလေးစုက မြန်မာဟင်းလျာတွေကို ဆန်းသစ်ပြီး မြန်မာ့အစားအစာကိုကမ္ဘာသိအောင် ကြိုးစားယှဉ်ပြိုင်ခဲ့တာကြောင့် မြန်မာကို ကမ္ဘာသိအောင် ဂုဏ်ဆောင်ပေးနိုင်ခဲ့တဲ့ သူလေးလည်းဖြစ်ပါတယ်။ Winner ဆုနဲ့လွဲချော်ခဲ့ရပေမယ့် စုအတွက် မြန်မာပရိသတ်တွေက အမြဲဂုဏ်ယူနေကြမှာပဲ ဖြစ်ပါတယ်။
သတင်း အရင်းအမြစ်៖ Myanmarload