တော်လှန်ရေးကြီး အရှိန်မြင့်လာတာနဲ့အမျှ မြန်မာနိုင်ငံရှိနေရာအနှံ့မှာ တိုက်ပွဲတွေဖြစ်ပေါ်လာပြီး တိုင်းရင်းသားဒေသတွေမှာ ပိုပြီးပြင်းထန်လာနေတာဖြစ်ပါတယ်။ ကယားပြည်နယ်မှာဆိုရင်လည်း တိုက်ပွဲတွေပြင်းထန်နေတာကြောင့် အခုအချိန်အထိ စစ်ဘေးရှောင်နေတဲ့ ပြည်သူတွေအများအပြားရှိနေပြီး တစ်ချို့ပြည်သူတွေရဲ့ နေအိမ်တွေလည်း မီးရှို့ဖျက်ဆီးခံနေရတာ ဖြစ်ပါတယ်။
PDF ရဲဘော်လူငယ်လေးတွေဟာလည်း မိမိတို့ပြည်နယ်ဒေသတွေကို ကာကွယ်ဖို့အတွက် အသက်ကိုရင်းကာ တိုက်ပွဲ၀င်နေကြပြီး ငယ်ရွယ်တဲ့လူငယ်လေးတွေပါမကျန် အားလုံးကြိုးစားတိုက်ပွဲ၀င်နေကြတာဖြစ်ပါတယ် ။ ယမန်နေ့ စက်တင်ဘာလ (၁၄) ရက်မှာလည်း ကယားပြည်နယ် ၊ ကဒါးလားရွာအနီးမှာ တိုက်ပွဲတွေဖြစ်ပွားခဲ့ပြီး KNDF တပ်ရင်း (၁)ဘက်က ရဲဘော်နှစ်ဦး ကျဆုံးခဲ့တာဖြစ်ပါတယ်။
ကျဆုံးခဲ့တဲ့ရဲဘော်လေးတွေမှာ ကျောင်းဆရာတစ်ဦးနဲ့ လူငယ်လေး ပီတာဂျွန်တို့ဖြစ်ပြီး ဒီကနေ့ မနက်ပိုင်းမှာ ရဲဘော်တွေစုပေါင်းပြီး ဆုတောင်းမေတ္တာပို့သကြကာ နာရေးပို့ခဲ့ကြတာဖြစ်ပါတယ်။ တိုင်းပြည်နဲ့လူမျိုးအတွက် အသက်ပေးသွားခဲ့ကြတဲ့ သူရဲကောင်းလေးနှစ်ဦးလည်း ကောင်းရာမွန်ရာကိုရောက်ရှိပါစေလို့ ဆုတောင်းပေးလိုက်ပါတယ်။
သတင်း အရင်းအမြစ်៖ News Light in Karenni's Facebook page