သရုပ်ဆောင်အကယ်ဒမီ မင်းမော်ကွန်းကတော့ လက်ရှိမှာ မိသားစုလိုက် လွတ်မြောက်နယ်မြေကို ရောက်ရှိကာ အရေးတော်ပုံကြီးအတွက် အစွမ်းကုန်ကြိုးစားတိုက်ပွဲဝင်နေသူပဲ ဖြစ်ပါတယ်။ သူ့ရဲ့ ခိုင်မာပြတ်သားလွန်းတဲ့ တော်လှန်ရေးစိတ်ဓာတ်တွေကြောင့် ရဲရဲတောက်နှင်းဆီသူရဲကောင်းအဖြစ် ပြည်သူတွေက လေးစားချီးကျူးနေကြတာလည်း ဖြစ်ပါတယ်။
သူ့ရဲ့ အောင်မြင်မှုတွေကိုစွန့်လွှတ်ပြီး တောထဲမှာ ကြုံလာသမျှအခက်အခဲများစွာကို ရင်ဆိုင်နေရပေမယ့်လည်း မငြီးငြူတဲ့ မင်းမော်ကွန်းရဲ့ အကြောင်းတွေကို တော်လှန်ရေးနယ်မြေမှာ အတူရောက်ရှိနေတဲ့ AAC မှ ကိုရဲမင်းက ပြောပြလာပါတယ်။ ရင်တွင်းခံစားချက်တွေကြောင့် မျက်ရည်ကျနေရတဲ့ မင်းမော်ကွန်းရဲ့ ခံစားချက်တွေကို ကိုယ်ချင်းစာနားလည်ပြီး သူရဲကောင်းတစ်ယောက်အဖြစ် လေးစားနေတာတွေကိုလည်း ပြောပြထားပါသေးတယ်။
ပြီးခဲ့တဲ့ညတွေက ဝမ်းနည်းမှုနဲ့ ခံပြင်းမှုတွေကြောင့် မျက်ရည်ကျနေရတဲ့ မင်းမော်ကွန်းရဲ့အကြောင်းတွေကို ကိုရဲမင်းက သူ့ရဲ့လူမှုကွန်ယက်စာမျက်နှာမှာရေးသားကာ မျှဝေပြောပြထားတာ ဖြစ်ပါတယ်။ ပြည်သူတွေကတော့ အားလုံးနဲ့အတူ ရဲရဲရင့်ရင့်ရပ်တည်နေတဲ့ မင်းမော်ကွန်းနဲ့အတူ တိုက်ပွဲဝင်သူရဲကောင်းရဲဘော်တွေအတွက် အားပေးစကားတွေ ပြောထားကြတာ တွေ့ရပါတယ်။
သတင်း အရင်းအမြစ်៖ Ye Min's Fb Acc