ပရိတ်သတ်များရဲ့ အချစ်တော် တစ်ဦးဖြစ်သူ ဟာသသရုပ်ဆောင် ဦးချစ်စရာဟာ ပြီးခဲ့တဲ့ ရက်ပိုင်လောက်က အရေးပေါ်ဆေးရုံတက်ရောက်ပြီး ဆေးကုသခံယူနေရတာ ဖြစ်ပါတယ်။လက်ရှိမှာ ဆီးချို နဲ့ နှလုံးရောဂါ ခံစားနေရသလို နားသိပ်မကြားရ၊ မျက်လုံးလည်း မှုန်နေသူတစ်ဦးလည်းဖြစ်ပါတယ်။ စတင်ဘာလ(၅) ရက်နေ့တုန်းက ဦးချစ်စရာဟာ ကျန်းမာရေးအနည်းငယ် ချို့ယွင်းလာကာ ရုတ်တရက် အောက်ဆီဂျင်ကျခဲ့တာ ဖြစ်ပါတယ်။
ဦးချစ်စရာအတွက် လိုအပ်လာတဲ့ အောက်ဆီဂျင်အိုးများကိုလည်း ဝေဠုကျော်ကိုယ်တိုင် သွားရောက်ပြီး ကူညီလုပ်ဆောင်ပေးတာ ဖြစ်ပါတယ်။ စတင်ဘာလ (၇)ရက်နေ့မှာတော့ ကျန်းမာရေးအခြေအနေ ပိုမိုဆိုးဝါးလာတာကြောင့် ဆေးရုံတက်ရောက် ကုသနေခဲ့တာ ဖြစ်ပါတယ်။ အောက်ဆီဂျင်ကျတာကြောင့် ဦးချစ်စရာအား မိသားစုဝင်များက ကိုဗစ်ရောဂါလို့ထင်ခဲ့ပေမယ့် ဆေးစစ်ဆေးချက်တွေအရ Nagative ထွက်ရှိခဲ့တယ်လို့ သိရပါတယ်။
ယမန်နေ့ကတော့ ဦးချစ်စရာဟာ ကျန်းမာရေးပြန်လည် ကောင်းမွန်လာသည့်အတွက် ဆေးရုံကနေ ဆင်းလာခဲ့ပြီဖြစ်ကြောင်း ဝေဠုကျော်ရဲ့ လူမှုကွန်ယက်မှာ ဖော်ပြလာခဲ့ပါတယ်။ ဦးချစ်စရာရဲ့ လိုအပ်တာတွေကို ဝေဠုကျော်တို့ကပဲ ကူညီလုပ်ဆောင်ပေးနေတာ ဖြစ်ပါတယ်။ ကျန်းမာရေးပြန်လည် ကောင်းမွန်လာတဲ့ ဦးချစ်စရာရဲ့ ပုံရိပ်တချို့ကို ဖော်ပြပေးရင်း ပရိသတ်တွေကလည်း ဆုတောင်းပေးကြပါဦးနော်။
သတင်း အရင်းအမြစ်៖ Source - Wai Lu Kyaw