Hospital Playlist ဆိုတာနဲ့ လူ့သဘာဝအကြောင်း၊ သူငယ်ချင်းတွေနဲ့ လုပ်ဖော်ကိုင်ဖက်တွေကြားထားရှိတဲ့ ချစ်ခြင်းမေတ္တာတွေအကြောင်းထည့်သွင်းပုံဖော်ထားတဲ့ ရသစုံ ဇာတ်လမ်းတွဲဆိုတာ အားလုံးသိကြမှာပါ။
ဒီဇာတ်လမ်းတွဲလေးကို Season 1 နဲ့ Season 2 ဆိုပြီးထုတ်လွှင့်ပြသခဲ့ရာမှ မနက်ဖန် ဆိုရင်တော့ Season 2ရဲ့ ဇာတ်သိမ်းပိုင်း ကိုရောက်ရှိလာပြီဖြစ်ပါတယ်။နောက်ဆုံးဇာတ်သိမ်းပိုင်းလေးကို ပြသချိန် အားဖြင့် ခါတိုင်းနဲ့မတူပဲ ၂နာရီ၄၀မိနစ်တိတိကြာအောင် ပြသမယ်လို့ သိရပါတယ်။
ဒီဇာတ်လမ်းတွဲမှာဆိုရင် အဓိက သရုပ်ဆောင် ၅ဦးအဖြစ် မင်းသမီး Jeon Mido၊မင်းသား Jo Jung Suk၊မင်းသား Jung Kyung Ho ၊မင်းသား Kim Dae Myung နဲ့ မင်းသား Yoo Yeon Seok တို့က အဓိကပါဝင်သရုပ်ဆောင်ထားတာဖြစ်ပြီးအခြားသော သရုပ်ဆောင်များစွာလည်းပါဝင်ထားတာဖြစ်ပါတယ်။
ဒီဇာတ်လမ်းလေးမှာ ဆိုရင်တော့ အခက်အခဲနဲ့ စိတ်ညစ်စရာတွေကြုံတွေ့လာတိုင်း အကောင်းမွန်ဆုံးကျော်လွှားပုံတွေ၊ဆေးပညာလောကနဲ့ဆိုင်တဲ့အကြောင်းအရာတွေ၊လူ့သဘာဝဖြစ်လေ့ဖြစ်ထရှိတဲ့ အကြောင်းအရာတွေကို ရသစုံလင်စွာထည့်သွင်းဖော်ပြထားတာဖြစ်ပါတယ်။ပရိတ်သတ်တွေကလည်း မနက်ဖန်မှာ ဘယ်လို အဆုံးသတ်မလဲဆိုတာကို တအားရင်ခုန်နေကြပါတယ်။ဒါ့အပြင် အဆုံးသတ်သီချင်းလေးက Season 1 က Me to you,You to Me ဆိုတဲ့သီချင်းလေးလိုမျိုး အသည်းခွဲမှာလား။ဘယ်လိုရသမျိုး ၊ ဘယ်လို Message မျိုးပေးမလဲဆိုတာကိုလဲ စောင့်မျှော်နေကြတာမို့ ပုံလေးတွေကြည့်ရင်း တူတူ ရင်ခုန်လိုက်ကြရအောင်နော်။