ဒီရေကန်ကြီးကိုတော့ Natron ရေကန်လို့ခေါ်ပြီး အာဖရိက အရှေ့ပိုင်းက တာဇန်းနီးယားနိုင်ငံမြောက်ပိုင်းမှာ တည်ရှိပါတယ်။
Natron ကန်လို့ခေါ်ရတဲ့ အကြောင်းရင်းကတော့ ဒီကန်မှာ Natron လို့ခေါ်တဲ့ သဘာဝဓာတ်တစ်မျိုးရှိတာကြောင့်ပဲ ဖြစ်ပါတယ်။
ဒီကန်ဟာအလွန်အန္တရာယ်များတဲ့ ကန်ကြီးဖြစ်တာကြောင့်လည်း သတ္တဝါအများစုက ရှောင်ရှားလေ့ရှိကြပါတယ်။
ဘာ့ကြောင့်လဲဆိုရင် ဒီကန်ကြီးဟာ အပူချိန် ၁၂၀ ဒီဂရီဖာရင်ဟိုက် အထိမြင့်မားတတ်သလို ဆားဓာတ်အလွန်များပြားပြီး တိရစ္ဆာန်တွေကို အဆိပ်သင့်စေလို့ပဲဖြစ်ပါတယ်။
ဒီဓာတ်ဟာ ပြင်းထန်တဲ့ထုံးဓာတ်တစ်မျိုးဖြစ်ပြီး တရိစ္ဆာန်တွေကို မံမီရုပ်ကြွင်းအဖြစ်ပြောင်းလဲသွားစေနိုင်တယ်လို့ ပြောကြပါတယ်။
အခုမြင်တွေ့နေရတဲ့ ဓာတ်ပုံတွေကိုတော့ ဓာတ်ပုံဆရာ Nick Brandt ကရိုက်ကူးခဲ့တာဖြစ်ပြီး ဓါတ်ငွေ့ကာ အင်္ကျီကို ဝတ်ဆင်ပြီးစွန့်စား ရိုက်ကူးခဲ့တာဖြစ်ပါတယ်လို့ သိရပါတယ်။
Nick Brandt ဟာ "သူတို့ဘယ်လိုသေတယ်ဆိုတာ ဘယ်သူမှ အတိအကျ မသိနိုင်ပါဘူး။ ဒါပေမယ့် ကန်ရေမျက်နှာပြင်ရဲ့ သဘာဝဟာ သူတို့ကို စိတ်ရှုပ်ထွေးသွားစေပြီးတော့ ကန်ထဲပြုတ်ကျတာ ဖြစ်နိုင်ပါတယ်" လို့ ပြောကြားထားတာတွေ့ရပါတယ်။
သတင်း အရင်းအမြစ်៖ Petapixel